დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ამ დროისთვის საქართველოში ეპიდემიოლოგიური კუთხით, ოთხი საყურადღებო წერტილი რჩება.

როგორც მან მთავრობის ადმინისტრაციაში გამართულ ბრიფინგზე აღნიშნა, საყურადღებო წერტილებად მესტიის, ყაზბეგის მუნიციპალიტეტი, ქობულეთი და გარდაბანი-ყარაჯალარი.

„ამ ეტაპზე ქვეყანაში საყურადღებო რჩება ოთხი წერტილი. პირველი მესტია, სადაც მოგეხსენებათ, რომ სერიოზული სამუშაოები ტარდება. მოგეხსენებათ, ლენჯერამდე და მესტიის ზემოთ სოფლების გახსნასთან დაკავშირებითა მიღებულია გადაწყვეტილება. მესტიის მუნიციპალიტეტში ჩატარებულია ინტენსიური, გაფართოებული ტესტირება. 3509 ადამიანი იქნა გამოკვლეული თვითონ მუნიციციპალიტეტში ადგილზე, ხოლო 1246-ში შედიან პირები, რომლებსაც აგვისტოს ბოლო ორი კვირის განმავლობაში მესტიაში მოგზაურობის ისტორია ჰქონდათ. აქედან გვაქვს 49 დადებითი შემთხვევა, 29 თავად მესტიის მუნიციპალიტეტში დადასტურდა და 20 კონტაქტების კვლევისას.

ამიტომ, ცხელ წერტილად და ჩაკეტილად რჩება ლენჯერი, თუმცა 21 აგვისტოს 12 დღე სრულდება კარანტინის დაწესებიდან და მასიურად იქნება გატესტილი დღეს მესტიაში არსებული დაახლოებით 700 ადამიანი, ვინც კარანტინში და თვითიზოლაციაში იმყოფებიან, თანდათანა დაიწყება შემსუბუქების პოლიტიკა. კარგია, რომ თვითონ მესტიის მუნიციპალიტეტში ადგილზე ტესტირებისას ბოლო ოთხი დღის განმავლობაში ახალი შემთხვევა აღარ დაფიქსირებულა. ასევე, კარგია, რომ მოსახლეობამ დამყოლობა გამოიჩინა და ვისაც მოგზაურობის ისტორია ჰქონდა, დაახლოებით 1246-მა ადამიანმა თბილისში და სხვა ქალაქებში, მიმართა სამედიცინო ცენტრებს და ჩაიტარეს ნებაყოფლობითი ტესტირება.

მეორე ცხელი წერტილი გახლავთ ყაზბეგის მუნიციპალიტეტი, სადაც სულ 14 შემთხვევა გვაქვს, არ მომატებულა. ეს არის 4 ადამიანი დაკავშირებული სასაზღვრო პოლიციასთან და შემდეგ მათი ოჯახების კონტაქტები, რომლებიც არის ორ სოფელში, გარბანსა და არშაში და ასევე დაბა სტეფანწმინდაში. იქ 5 ოჯახი რჩება თვითიზოლაციაში. ასევე საყურადღებო წერტილი გაჩნდა ქობულეთთან დაკავშირებით, კაფე „ჰავანასთან“ დაკავშირებული, აქედან ორი უშუალოდ თანამშრომელია, ორი მასთან კონტაქტია დაასევე  ერთ-ერთის დედა. სულ არის ხუთი ინფიცირებული. დღეს გვაქვს ქობულეთის ერთი შემთხვევა, მაგრამ ის ამ კლასტერთან არ არის დაკავშირებული.

კლუბი ამ მომენტისთვის დაკტეილია. ზოგადად, დღეს საკოორდინაციო საბჭოზე განხილული იქნა ქობულეთში და რეგიონში ტესტირების გაფართოება პრევენციული მიზნით.

ასევე გარკვეულ საყურადღებო ადგილად რჩება ისევ გარდაბანი-ყარაჯალარი. მიუხედავად იმისა, რომ საკარანტინო ღონისძიებები იქ მოიხსნა, ჩვენ მაინც ვატარებთ ტესტირებას, თუმცა არ არის ისეთი დამყოლობა, როგორც გვინდა“, - განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან