ვაკის რაიონის გამგეობის ინფრასტრუქტურული პროექტების ფარგლებში, ჯანსაღი წესის ხელშეწყობის მიზნით, სპორტული მოედნების მოწყობა გრძელდება.

კომბინირებული სპორტული მოედანი - თანამედროვე სტანდარტის მინი ფეხბურთის და კალათბურთის სტადიონები მოეწყო ვაჟა-ფშაველას III კვარტლის N10-15 კორპუსების მიმდებარედ. სტადიონები 1 200 კვ.მ ფართობზე განთავსდა.

გარდა ამისა, მოედნები ასევე, მოეწყო ნუცუბიძის III მიკრორაიონის II კვარტლის I კორპუსის მიმდებარედ. აღნიშნულ ტერიტორიაზე, 1 100 კვ.მ ფართობზე ფეხბურთის სტადიონთან ერთად, ჩოგბურთის კორტიც განთავსდა.  

დასრულებულ სპორტულ მოედნებზე ადგილობრივ მცხოვრებლებს ვაკის რაიონის გამგებლის მოვალეობის შემსრულებელი დავით კვინიკაძე შეხვდა.

„სპორტული მოედნების მოწყობა ადგილობრივების დიდი თხოვნა იყო. ამიტომ, მომზადდა პროექტი, განხორციელდა სამუშაოები და დღეს უკვე აღნიშნულ მისამართებზე მცხოვრებ ადამიანებს აქვთ თანამედროვე სტანდარტების მქონე, კეთილმოწყობილი ჩოგბურთის კორტი, ფეხბურთისა და კალათბურთის სტადიონები. ჯანსაღი ცხოვრების წესის პოპულარიზაციასა და შესაბამისი პირობების შექმნას ვაკის რაიონში გამგეობა მომავალშიც განაგრძობს“, - განაცხადა დავით კვინიკაძემ.

ჩოგბურთის კორტის, ფეხბურთის მოედნებისა და კალათბურთის სტადიონის პროექტების ჯამური ღირებულება 502 000 ლარს შეადგენს.

ავტორი: NS (სტატია დაფინანსებულია),

სოციალური ქსელები

ეჩმიაძინში სრულიად სომეხთა კათოლიკოს გარეგინ II-ის სასამართლო პროცესი მიმდინარეობს

ქუთაისში „ავტო გალერის“ ახალი მულტიბრენდული სივრცე გაიხსნა

თურქეთი, საუდის არაბეთი და პაკისტანი „აგრესორების“ წინააღმდეგ ერთად იბრძოლებენ: შეთანხმებას ხელი მოეწერა

აშშ-ის დაზვერვა ვარაუდობს, რომ პუტინს შეუძლია უკრაინაში ომის პარალელურად ნატოს წევრ ქვეყანაზე თავდასხმა