აჭარის ჯანდაცვის მინისტრმა ნინო ნიჟარაძემ და მისმა მოადგილეებმა, 2008 წლის აგვისტოს ომში დაღუპულ მეომრებს პატივი მიაგეს

2020-08-08 11:02:47, 1924 ნახვა

რეგიონი

2008 წლის აგვისტოს ომიდან 12 წელი გავიდა.

აჭარის ა/რ ჯანმრთელობისა და სოციალური დაცვის მინისტრმა ნინო ნიჟარაძემ და მინისტრის მოადგილეებმა, 2008 წლის აგვისტოს ომში დაღუპულ მეომრებს პატივი მიაგეს.

სამინისტროს წარმომადგენლებმა აჭარის ა/რ მთავრობის თავმჯდომარესთან, ბათუმის მერთან, მთავრობისა და მუნიციპალიტეტის სხვა წარმომადგენლებთან, ასევე აგვისტოს ომში დაღუპული ჯარისკაცების ოჯახის წევრებთან ერთად რუსეთ-საქართველოს ომში დაღუპულთა სკვერში შეიკრიბნენ და მემორიალი ყვავილებით შეამკეს.

„ჩვენი ბრძოლა თავისუფლებისთვის, ოკუპაციის წინააღმდეგ არ დასრულებულა. ეს ბრძოლა უნდა იყოს თანამიმდევრული, პრაგმატული და ყველა ერთად შევძლებთ დავძლიოთ მთავარი გამოწვევა, რასაც ჰქვია ოკუპაცია“, - განაცხადა აჭარის მთავრობის თავმჯდომარემ თორნიკე რიჟვაძემ.

2008 წლის აგვისტოში რუსეთ-საქართველოს შორის კონფლიქტს 228 მშვიდობიანი მოქალაქე, 170 - სამხედრო პირი და 14 პოლიციელი შეეწირა.

აჭარიდან ომში 17 ჯარისკაცი დაიღუპა, ხუთ სამხედრო მოსამსახურეს დაზიანებების შედეგად შშმ სტატუსი აქვს მინიჭებული.

დღეს აჭარაში ყველა ადმინისტრაციულ შენობაზე დროშებია დაშვებული.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),