შიდა ქართლის რეგიონში,  საოკუპაციო ხაზის მიმდებარე სოფლებში თავთავიანი კულტურის მოსავლის აღება აქტიურ ფაზაში შედის. ადგილობრივებს მოსავლის აღებაში გარემოს დაცვისა და სოფლის მეურნეობის სამინისტროს შპს  „სოფლის მეურნეობის ლოჯისტიკისა და სერვისების კომპანია“ ეხმარება.

გარემოს დაცვისა და სოფლის მეურნეობის მინისტრი ლევან დავითაშვილი მოსავლის აღების პროცესს ნიქოზის თემში, შიდა ქართლის რეგიონის სახელმწიფო რწმუნებულთან, გიორგი ხოჯევანიშვილთან ერთად გაეცნო.

„კახეთის რეგიონში მარცვლეული კულტურების მოსავლის აღების პროცესი დასრულდა. ახლა ინტენსიური სამუშაოები შიდა ქართლში, ქვემო ქართლსა და სამცხე-ჯავახეთში მიმდინარეობს.  მოსავალს იღებენ საოკუპაციო ხაზთან, ზემო ნიქოზშიც. გარემოს დაცვისა და სოფლის მეურნეობის სამინისტროს სოფლის მეურნეობის ლოჯისტიკისა და სერვისების კომპანიის ტექნიკის საშუალებით მოსავალი უკვე აღებულია 12 ათას ჰექტარზე მეტ ფართობზე. წელს, კლიმატური პირობებიდან გამომდინარე, არ გვაქვს ჭარბი მოსავალი. ყველა შესაბამისი სამსახური მაქსიმალურად არის ორგანიზებული, რომ ფერმერებს არ ჰქონდეთ შეფერხება მოსავლის დაბინავების პროცესში“, - განაცხადა ლევან დავითაშვილმა.

შიდა ქართლის რეგიონში მობილიზებულია 63 ერთეული კომბაინი, საიდანაც 32 ერთეული გარემოს დაცვისა და სოფლის მეურნეობის სამინისტროს შპს „სოფლის მეურნეობის ლოჯისტიკისა და სერვისების კომპანიას ეკუთვნის. მოსავლის აღების   პროცესში აქტიურად არის  ჩართული კერძო სექტორში არსებული ტექნიკაც.

ქვეყნის მასშტაბით, ხორბლის ნათესი ფართობები 50 ათასი ჰექტარს, ქერის კი - 27 ათასი ჰექტარს შეადგენს.

ავტორი: NS (სტატია დაფინანსებულია),

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს