ჩოლოიანის საქმის პროკურორი - მოწმეების ჩვენების საფუძველზე დგინდება, რომ სკოლის მოხატვასთან დაკავშირებით არასრულწლოვანთა პოლიციელებთან შეხვედრა, კანონიერი წარმომადგენლის გარეშე მოხდა

2020-06-04 20:02:06, 3063 ნახვა

სამართალი

სასამართლოში დღეს 15 წლის ლუკა სირაძის გარდაცვალების საქმეზე დაკავებული მარიანა ჩოლოიანის საქმის განხილვა გაიმართა.

მარიანა ჩოლოიანის საქმის პროკურორის განცხადებით, დღეს სასამართლოში დაკითხული მოწმეების ჩვენების საფუძველზე დგინდება, რომ სკოლის მოხატვასთან დაკავშირებით არასრულწლოვანთა პოლიციელებთან შეხვედრა კანონიერი წარმომადგენლის გარეშე მოხდა.

მისი თქმით, დაიკითხა "მწვანე სკოლის" სასწავლო ნაწილი და ლუკა სირაძის დამრიგებელი, რომლებმაც დაადასტურეს, რომ განყოფილებაში არასრულწლოვანთა მიმართ განხორციელდა ჩვენების მიღება იძულებით, ფსიქოლოგიური ზემოქმედების საშუალებით განხორციელდა.

"დღევანდელ სხდომაზე ბრალდების მხარის ორი მოწმე დაიკითხა სასამართლოს წინაშე. საუბარია "მწვანე სკოლის" წარმომადგენლებზე. ერთი მხრივ დაიკითხა სკოლის სასწავლო ნაწილი და

აღნიშნულმა პირებმა ისაუბრეს პოლიციაში განხორციელებულ მოვლენებთან დაკავშირებით და დაადასტურეს, რომ აღნიშნულ გამყოფილებაში არასრულწლოვანთა მიმართ განხორციელდა ჩვენების მიცემის იძულების მიზნით ფსიქოლოგიური ზემოქმედება.

მათ დაადასტურეს, რომ სკოლის მოხატვასთან დაკავშირებით გარკვეული შეხვედრა შედგა პოლიციელების, სკოლის წარმომადგენელთა და არასრულწლოვანთა შორის, მათი კანონიერი წარმომადგენლის მონაწილეობის გარეშე", - განაცხადა ლევან ქუთათელაძემ.

ცნობისთვის, აღნიშნული საქმე ეხება 10 დეკემბერს მწვანე სკოლის კედელზე გაკეთებულ წარწერას - „ამ ცხოვრების დედაც“, რომლის გამოც, ადმინისტრაციამ პოლიცია გამოიძახა. სამართალდამცველებმა ვიდეო კამერების ჩანაწერებით ვერ მოახერხეს იმ მოზარდის იდენტიფიცირება, რომელმაც წარწერა გააკეთა, შესაბამისად, მათ არასრულწლოვნები გამოკითხვაზე დაიბარეს. სწორედ გამოკითხვის დროს გამომძიებლების მხრიდან ფსიქოლოგიური ძალადობა სახელდება მოზარდის მიერ თვითმკვლელობის მთავარ მიზეზად. სსკ-ის 335-ე მუხლის საფუძველზე, რაც ჩვენების მიცემის იძულებას გულისხმობს, დიდუბე-ჩუღურეთის სამმართველოს პოლიციის პირველი განყოფილების გამომძიებელი მარიანა ჩოლოიანი დააკავეს. მას თბილისის საქალაქო სასამართლომ აღკვეთის ღონისძიების სახით პატიმრობა 19 დეკემბერს შეუფარდა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან