„საუბარი, რომ პოლიტიკური რეკლამა ფასიანი არ იყოს წინასაარჩევნო დროს, უბრალოდ არასწორია“, - ამის შესახებ „ევროპული საქართველოს“ ერთ-ერთმა წევრმა სერგი კაპანაძემ განაცხადა.

მისი თქმით, თუ წინასაარჩევნო პერიოდში ფასიანი რეკლამა აიკრძალება, ეს „ქართულ ოცნების“ უპირატესობას სხვებთან შედარებით კიდევ უფრო გაზრდის, რაც არასწორია.

„ჩვენ გვაქვს გარემო, სადაც გვყავს მილიარდერი და გვყავს სახლემწიფო ადმინისტრაციული აპარატი, რომელიც ფულს ხარჯავს წინაარჩევნო პერიოდში „ქართული ოცნების“ ე.წ. საქმეების წარმოჩინებაზე. ამიტომ ახლა საუბარი, რომ პოლიტიკური რეკლამა ფასიანი არ იყოს წინასაარჩევნო დროს, უბრალოდ არასწორია, რადგან ეს ნიშნავს, რომ „ქართულ ოცნებას“ ექნება მხოლოდ უპირატესობა სხვებთან შედარებით. ამიტომ ჩვენი მიდგომა არის ის, რომ პირიქით არასაარჩევნო დროსაც უნდა ჰქონდეს შესაძლებლობა პოლიტიკურ ძალას, რომ თავისთვის მნიშვნელოვანი მესიჯები, გზავნილები მიიტანოს საზოგადოებამდე," -  განაცხადა სერგი კაპანაძემ.

შეგახსენებთ, რომ ფრაქცია „პატრიოტთა ალიანსი და სოციალ-დემოკრატების“ წევრი გია ჟორჟოლიანი გამოდის ინიციატივით, რომ წინასაარჩევნო ფასიანი პოლიტიკური რეკლამა აიკრძალოს.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

გასაჯაროებულ უმძიმეს კადრებთან დაკავშირებით, შსს-ს განცხადება დამატებით კითხვებს აჩენს - დემოკრატიის კვლევის ინსტიტუტი

სანქციებია საჭირო - ევროპარლამენტარი პოლიციის მიერ ხალხის ცემაზე

ანა ნაცვლიშვილი პოლიციის მიერ ადამიანების ცემა-წამებაზე შსს-ს კითხვებით მიმართავს

კუპრაძე პოლიციელების ძალადობაზე - დაისაჯონ, გამოაშკარავდეს ყველა დამნაშავე