"მაქსიმალურად კოორდინირებული მუშაობის შედეგად, სიტუაცია გამოსწორებას ძალიან მარტივად ექვემდებარება",-ამის შესახებ საქართველოს ეკონომიკისა და მდგრადი განვითარების მინისტრმა გიორგი კვირიკაშვილმა ლარის კურსთან დაკავშირებით, მთავრობის დღევანდელ სხდომაზე განაცხადა.

მისივე თქმით, მაკროეკონომიკური პარამეტრები ჯანსაღია და ქართულ ეკონომიკურ ბაზარზე გუშინ განსაკუთრებული არაფერი მომხდარა.

"სექტემბრის ბოლო ოქტომბერი აუცილებლად იქნება სადოლარე-სალარე სესხების გადახდის პერიოდი.გამომდინარე იქედან,  რომ მთლიანად გვაქვს დათვლილი ფულის მიმოქცევის სქემები, გამომდინარე ასევე სახელმწიფო საწარმოების  ანგარიშებზე არსებული სადოლარე ნაშთებიდან, რომელიც თანდათან გამოვა ბაზარზე,  ასევე გამომდინარე იქედან, რომ ეროვნულ ბანკთან ერთად გავიარეთ ფულის მიმოქცევა, უახლოესი დღეების განმავლობაში ყველანაირი საფუძველი გვაქვს ვივარაუდოთ, რომ ის, რაც დავუშვათ გუშინ ხდებოდა ბაზარზე, არის მხოლოდ აჟიოტაჟური ქცევის შედეგი. არანაირი კავშირი ამას არ აქვს იმ საგარეო მოვლენებთან, რაც გუშინ მოხდა. ჩინეთის საფონდო ბაზრის  დაცემაზე ვსაუბრობ. ვფიქრობთ, მაქსიმალურად უნდა შევინარჩუნოთ სიმშვიდე, არაფერი განსკუთრებული გუშინ ჩვენს ბაზარზე არ მომხდარა. მაკროეკონომიკური პარამეტრები ამ ეტაპზე ჯანსაღია და ვფიქრობთ, რომ მაქსიმალურად კოორდინირებული მუშაობის შედეგად, სიტუაცია გამოსწორებას ძალიან მარტივად ექვემდებარება",-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს