დღემდე არ გაგიციათ არც ერთი დანაპირები, სად არის ივანიშვილის 100 მილიონი? არჩევნებისთვის ინახავთ? ვერ ბედავთ ივანიშვილის ფულის ხლებას თუ საერთოდ არ არსებობს ეს ფული, - ასე მიმართა "ერთიანი ნაციონალური მოძრაობის" წევრმა პრემიერ-მინისტრ გიორგი გახარიას, რომელიც ამ წუთებში პარლამენტში ინტერპელაციის წესით არის მისული.

გოცირიძის თქმით, საქართველოს მთავრობა არის ერთადერთი, რომელმაც არ გაუწია კორონავირუსის დროს დახმარება საკუთარი ქვეყნის მოქალაქეებს.

„ფიქრობდით, რომ ორჯერ მოსვლით გექნებოდათ თავმოსაწონი მოქალაქეებთან, არაფერი თავმოსაწონი თქვენი გამოსვლიდან არ იყო. ჩვენ დავინახეთ, რომ საქარტველოს მთავრობა არის ერთადერთი ხელისუფლება მსოფლიოში, რომელმაც კოვიდის პერიოში, არ გაუწია ფინანსური დახმარება მოქალაქეებს და ასეთი რამ, არ მომხდარა არსად მსოფლიოში. სახლში გამოკეტილი ხალხი, ყოველგვარი შემოსავლის გარეშე დარჩენილი ადამიანები.

თქვენ დღემდე არ გაგიციათ არც ერთი დანაპირები, არც 200 ლარიანი, არც 300 ლარიანი მწირი დახმარება, ერთი თეთრი არ დაგიხარჯავთ კორონავირუსის 133 მილიონიანი ფონდიდან. სად არის ივანიშვილის 100 მილიონი? არჩევნებისთვის ინახავთ. სად არის 33 მილიონი ამ ფონდიდან, რომელიც ბიზნესმა შეიტანა, ვის გაუგია უმძიმეს ვითარებაში 133 მილიონი მუთაქაში გქონდეთ გამოდებული და შენახული, რატომ არ გაეცით ეს ფული? თუ ვერ ბედავთ ივანიშვილის ფულის ხელის ხლებას, ან საერთოდ არის ეს ფული, არსებობს 100 მილიონი?“, - განაცხადა რომან გოცირიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება