ეკონომიკისა და მდგრადი განვითარების მინისტრი ნათია თურნავა ჩეხეთის რესპუბლიკის ელჩს საქართველოში პეტერ მიკისკას შეხვდა, რომლის დროსაც განხილული იყო ორმხრივი ეკონომიკური თანამშრომლობის პრიორიტეტული მიმართულებები. განსაკუთრებული აქცენტი გაკეთდა ტურიზმის სფეროში თანამშრომლობისა და პირდაპირი ავიამიმოსვლის აღდგენის შესაძლებლობაზე.

ნათია თურნავამ ჩეხეთის ელჩს გააცნო საქართველოს მთავრობის გადაწყვეტილებები, რომელიც მიმართულია ადგილობრივი ტურიზმის ინფრასტრუქტურაში ჯანმრთელობისა და ტურიზმის მსოფლიო ორგანიზაციების გაიდლაინების იმპლემენტაციისკენ, რამაც ქვეყანას ტურისტების უსაფრთხო მომსახურების შესაძლებლობა უნდა მისცეს. მინისტრის თქმით, საქართველო პირველი ივლისიდან გეგმავს საერთაშორისო მოგზაურებს უმასპინძლოს, მანამდე კი აქტიურად მიმდინარეობს მზადება საიმისოდ, რომ ტურიზმის მომსახურების ყველა ეტაპზე მაქსიმალურად დაცული იყოს უსაფრთხოების თანამედროვე სტანდარტები.

ჩეხეთის ელჩმა პეტერ მიკისკამ დადებითად შეაფასა ის ქმედებები, რომლებიც საქართველოს მთავრობამ პანდემიის გავრცელების პრევენციის მიზნით გადადგა, რითაც საქართველოს გამოცდილება ბევრი ქვეყნისთვის გახდა სანიმუშო.

შეხვედრაზე განხილული იყო ქვეყნებს შორის უსაფრთხო დერეფნისა და სამოგზაურო პროტოკოლების ამოქმედების მნიშვნელობის შესახებ, რომლებიც ორივე ქვეყნის ვიზიტორებს უსაფრთხო მოგზაურობის შესაძლებლობას მისცემს.    

შეხვედრას ასევე დაესწრნენ ეკონომიკისა და მდგრადი განვითარების მინისტრის მოადგილე გენადი არველაძე და ტურიზმის ეროვნული ადმინისტრაციის ხელმძღვანელი მარიამ ქვრივიშვილი.

ავტორი: NS (სტატია დაფინანსებულია),

სოციალური ქსელები

მათში გამჯდარია და გარანტია აქვთ დაუსჯელობის სინდრომის - სამუშია პოლიციელებზე

კობახიძე: ვნახე კადრები, შესაბამის უწყებებს უნდა ჰქონდეთ და ექნებათ სათანადო რეაგირება

ქართული ოცნების პოლიტიკის გარდაუვალი შედეგია – თავისუფლების მოედანი გორში მომხდარზე

მეუფე ზენონი: პოლიციელების მსგავსი ქმედებები მხოლოდ ფიზიკური ძალადობის ფაქტი არ არის - ეს ტოვებს ყველაზე დამთრგუნველ კვალს