საქართველოს მეზობელი სახელმწიფოებიდან კორონავირუსის გავრცელების თვალსაზრისით, ყველაზე მეტი შემთხვევა თურქეთში ფიქსირდება. აქ კოვიდ-19-ით ინფიცირებულთა რიცხვმა 104 ათასს გადააჭარბა და ვირუსმა 2600 ადამიანის სიცოცხლე იმსხვერპლა.

თურქეთის შემდეგ სტატისტიკურად ყველაზე მზარდი ვირუსის გავრცელება რუსეთშია, სადაც კოვიდ-19-ით ინფიცირებულთა რაოდენობა 68 622-ს შეადგენს. კოვიდინფექციით გარდაცვლილთა რაოდენობა კი, 615-მდე გაიზარდა.

აზერბაიჯანში ეპიდემიის დაწყებიდან დღემდე, დაღუპუთა რაოდენობამ 21-ს მიაღწია. დაინფიცირებულთა საერთო რიცხვი 1 592-ს შეადგენს, მათგან 1 013 ადამიანი უკვე გამოჯანმრთელებულია. როგორც ცნობილია, 27 აპრილიდან აზერბაიჯანი მკაცრ საკარანტინო რეჟიმს ხსნის და  თითქმის ყველა მაღაზია იხსნება.

რაც შეეხება სომხეთს, აქ კორონავირუსით ინფიცირების რიცხვი 1596-ს შეადგენს, საიდანაც, ბოლო მონაცემებით, 728 პაციენტი უკვე გამოჯანმრთელდა. სომხეთში კორონავირუსით 27 ადამიანია გარდაცვლილი.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს