„საშემოსავლო გადასახადთან დაკავშირებით შემოღებული შეღავათი, პირველი რიგში მიმართულია იქითკენ, რომ კომპანიებმა მაქსიმალურად შეინარჩუნონ დასაქმებულები და არ დადგეს კითხვის ქვეშ იმ ადამიანთა დასაქმება, რომლებიც ამ კომპანიებში იღებენ ხელფასებს. ამისთვის ჩვენ ვინაწილებთ კომპანიებთან ერთად სახელფასო ტვირთს", - ამის შესახებ ეკონომიკისა და მდგრადი განვითარების მინისტრმა ნათია თურნავამ მთავრობის ადმინისტრაციაში გამართულ ბრიფინგზე განაცხადა.

 მისი თქმით, შეღავათი შეეხება 6 თვის განმავლობაში ნებისმიერ კომპანიაში დასაქმებულ ადამიანებს, რომელთა ხელფასიც არის 1500 ლარი ან ნაკლები. მინისტრის განცხადებით, ასეთია დასაქმებულთა უმრავლესობა.  

დღეს პრემიერ-მინისტრმა, სახელისუფლებო გუნდთან ერთად, კრიზისის დაძლევის გეგმა წარმოადგინა, რომელიც შეეხება ყველა სეგმენტს, რომლებიც კორონავირუსის პანდემიით გამოწვეულმა კრიზისმა დააზარალა. განსაკუთრებული აქცენტი გაკეთდა მოსახლეობის სოციალურ დაცვას, ბიზნესის მხარდაჭერასა და ეკონომიკის ამოქმედებაზე.  

მინისტრის ინფორმაციით, შეღავათი არ შეეხება მაღალი რანგის მენეჯმენტს. მისი თქმით, 1500 ლარამდე ხელფასის მქონე პირებს ხელფასის სულ მცირე 750 ლარის ოდენობაზე საშემოსავლო გადასახადი არ დაეკისრებათ. „ეს შეღავათი, ერთი შეხედვით, კომპანიას უმსუბუქებს საგადასახადო ტვირთს, მაგრამ საბოლოო ჯამში ის ემსახურება იმას, რომ ადამიანებმა არ დაკარგონ თავიანთი სამუშაო ადგილები და ხელფასები. მათ შორის, შეღავათი იმათაც შეეხება, ვისაც უკვე აქვს გადავადებული ეს გადასახადი", - განაცხადა ეკონომიკის და მდგრადი განვითარების მინისტრმა

ავტორი: NS (სტატია დაფინანსებულია),

სოციალური ქსელები

ბრიტანეთმა რუსული „ჩრდილოვანი ფლოტის“ ტანკერი დააკავა

დრონის დარტყმები რუსეთში: ხანძარი ტულის რეგიონში მდებარე „აზოტის“ ქარხანაში

ტრამპის ადმინისტრაციამ 20 მდე მიგრანტი ცენტრალური აფრიკის რესპუბლიკაში გადაასახლა, მათ შორის არიან ქართველებიც

ტრამპი ირანთან შეთანხმების მიღწევას დაჰპირდა, თუმცა თეირანი რაიმე შეთანხმებას უარყოფს