აჭარის ჯანდაცვის მინისტრის მოადგილის, ნინო ნიჟარაძის განცხადებით, კორონავირუსზე ჩატარებული 90 ლაბორატორიული კვლევიდან ყველას პასუხი უარყოფითია.

მისი თქმით, კლინიკა „მედალფაში“ კორონავირუსით ინფიცირებული 35 პაციენტი მკურნალობს.

„დღეს დილის ინფორმაციით, 90 ლაბორატორიული კვლევის ნიმუში დაიდო და ყველასთან მიმართებაში უარყოფითი პასუხი გვაქვს, შესაბამისად ახალი შემთხვევა არ დაგვმატებია. „მედალფაში“ მკურნალობს ისევ 35 ლაბორატორიულად დადასტურებული შემთხვევა. გვყავს 13 განკურნებული პაციენტი ჯამურად. 34 პაციენტი ქობულეთის კლასტერთანაა დაკავშირებული. კლასტერის ირგვლივ კონტაქტირებული პირების რაოდენობა გაიზრდა 520-მდე, ინტენსიურად ხდება მათი ლაბორატორიული დიაგნოსტიკა. გუშინ 50 კვლევის  ნიმუში იქნა აღებული ქობულეთის კლასტერის კონტაქტებიდან და მათი პასუხები დღეს გვეცოდინება. ასევე, ქობულეთის კლასტერის პირველ პაციენტთან კონტაქტირებული პირებისთვის თვითიზოლაციის პერიოდი უკვე სრულდება, ამიტომ ამ პირებს განმეორებით ჩაუტარდება დიაგნოსტიკა და თუ პასუხები ისევ ნეგატიური იქნება, მათი თვითიზოლაციის პერიოდი იქნება დასრულებული“, - განაცხადა ნინო ნიჟარაძემ.

ავტორი: ექსპრესნიუსი,

სოციალური ქსელები

მეუფე ზენონი: ეკლესიის პასუხისმგებლობაა, შეახსენოს ყველას, ძალაუფლება არ დგას კანონზე მაღლა

„ისინი არასტაბილურ მდგომარეობაში არიან.“ ესტონეთმა რუსეთთან მოლაპარაკებების შეწყვეტისკენ მოუწოდა

უკრაინაში რუსეთის დანაშაულებზე სპეციალური ტრიბუნალი ჰააგაში განთავსდება

ივანიშვილის რეჟიმმა, 8 თვის ორსული უკრაინელი ჟურნალისტი საქართველოში არ შემოუშვა