2015-01-26 19:00:28, 916 ნახვა
პოლიტიკა
პარლამენტში გიორგი ქადაგიძეს უსმენენ
ეროვნული ბანკის პრეზიდენტი პარლამენტში იმყოფება. დეპუტატები მას დახურულ კარს მიღმა ხვდებიან. პარლამენტარებს ეროვნული ბანკის პრეზიდენტთან კითხვები ლარის კურსთან დაკავშირებით აქვთ.
დეპუტატები გიორგი ქადაგიძისგან იმ ნაბიჯების შესახებ მოისმენენ ინფორმაციას, რაც მთავრობამ ლარის კურსის დასტაბილურების მიზნით უნდა გადადგას. გარდა ამისა, დეპუტატებს აინტერესებთ, ჩაერევა თუ არა ეროვნული ბანკი ხელოვნურად ლარის კურსის ვარდნის შეჩერების პროცესში.
ცნობისთვის, ლარის კურსი დოლართან მიმართებაში კიდევ დაეცა. ეროვნული ბანკის მიერ დადგენილი ლარის ახალი ოფიციალური გაცვლითი კურსის თანახმად, 1 დოლარის შეძენა 1.9962 ლარად არის შესაძლებელი. დღეს კი, 1 დოლარი 1.9935 ლარს შეადგენდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
