"რთველი 2015"-ის ფარგლებში, წელს სუბსიდია 1 კგ "რქაწითელსა" და "კახურ მწვანეზე"  35 თეთრი იქნება, 1 კგ "საფერავზე" კი 15 თეთრის ოდენობის სუბსიდია გაიცემა.

რთველის საორგანიზაციო საკითხების შესახებ დღეს გამართულ პრესკონფერენციაზე სოფლის მეურნეობის მინისტრმა ოთარ დანელიამ ღვინის ეროვნული სააგენტოს თავმჯდომარესთან გიორგი სამანიშვილთან ერთად ისაუბრა.

როგორც დანელიამ აღნიშნა, წელს სუბსიდია გაიცემა არა ღვინის მწარმოებელ კომპანიებზე, არამედ პირდაპირ მევენახეებზე.

,,მიმდინარე წელს სუბსიდია გაიცემა არა ღვინის მწარმოებელ კომპანიებზე, როგორც ეს ბოლო 2 წლის განმავლობაში ხდებოდა, არამედ პირდაპირ მევენახეებზე. სუბსიდირების ამ პრინციპის მთავარი უპირატესობა არის ის, რომ გლეხი ჩაბარებული ყურძენის საფასურს დაგვიანების გარეშე, ყურძნის ჩაბარებიდან დაახლოებით 2 კვირის განმავლობაში, ბანკში მხოლოდ პირადობის მოწმობის წარდგენის საფუძველზე მიიღებს. ჩვენ დავასუბსიდირებთ კახეთში რთველს და სუბსიდირების დარჩება ძველი ნიშნულები. ეს გახლავთ 35 თეთრი თეთრი ყურძნის შემთხვევაში, ხოლო 15 თეთრი შავის ყურძნის შემთხვევაში. ყოველივე ეს განაპირობა არსებულმა მდგომარეობამ. ვფიქრობთ, რომ დარგს ჯერ კიდევ სჭირდება წახალისება, თუმცა, არ შევდივართ ფასის ფორმირების ნაწილში“, - განაცხადა ოთარ დანელიამ.  

ამასთან, როგორც პრესკონფერენციაზე ღვინის ეროვნული სააგენტოს თავმჯდომარემ გიორგი სამანიშვილმა აღნიშნა, მომავალი კვირიდან საორგანიზაციო საკითხების მოგვარების მიზნით ღვინის ეროვნული სააგენტოს თანამშრომლები გაემგზავრებიან კახეთში, ხოლო საკოორდინაცი შტაბი ოფიციალურად აგვისტოს ბოლოს გაიხსნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი