2020-03-30 09:38:52, 17068 ნახვა
ომი უკრაინაში
ოკუპირებული აფხაზეთიდან კორონავირუსის სიმპტომებით ზუგდიდში ქალი გადმოიყვანეს
ოკუპირებული აფხაზეთიდან ზუგდიდში კორონავირუსის ნიშნებით 50 წლის ქალი გადმოიყვანეს.
შუახნის ქალი, ზუგდიდის მკვიდრია. ის, რუსეთში იმყოფებოდა და აფხაზეთის გავლით, ზუგდიდში ბრუნდებოდა.
ქალს სასწრაფო სამედიცინო მანქანები და საქართველოს შინაგან საქმეთა სამინისტროს წარმომადგენლები ფახულანის ე.წ.გამშვებ პუნქტზე დახვდნენ და ის, ზუგდიდის ინფექციურ საავადმყოფოში გადაიყვანეს.
მას ცხელება და ხველა აღენიშნება.
ამჟამად პაციენტი მოთავსებულია ბოქსირებულ პალატაში და მისი მდგომარეობა ამ დროისთვის სტაბილურია.
სავარაუდოდ, პაციენტის ანალიზები დღეს ლუგარის ლაბორატორიაში გადაიგზავნება და პასუხი ცნობილი დღის ბოლომდე გახდება.
ავტორი: ექსპრესნიუსი,
epn.ge (@expressnews.ge)
