"პაციენტი, როცა ვერ გაიხსენებს ან ვერ გვეტყვის ვისთან იყო კონტაქტში, რომელიმე საეჭვო პერსონასთან, მაშინ ვამბობთ, რომ არის მეოთხეული გადაცემა. ეს დღეს ჯერ არ ფიქსირდება", - ამის შესახებ დაავადებათა კონტროლის ეროვნუმი ცენტრის ხელმძღვანელმა ამირან გამყრელიძემ გამაცხადა.

ამირან გამყრელიძე გამოეხმაურა ეზუგბაიას განცხადებას, რომ ერთ-ერთი ინფიცირებულის დაინფიცირების წყარო ვერ დადგინა, და აღნიშნა, რომ ჯერ ამის თქმა ადრეა, რადგან კონტაქტების ძიება მიმდინარეობს.

მისივე თქმით, იმედი აქვს, რომ მაინც გავალთ დაინფიცორების წყაროზე. ხოლო თუ ვერ გავედით კონტაქტზე, მაშინ შეგვიძლია ვთქვათ, რომ ასეთი შემთხვევები ქვეყანაში უკვე დაფიქსირდა.

„რაც შეეხება ქალბატონი მარინას განცხადებას, მე პატარა კორექტივს შევიტანდი, რომ ჩვენ ამ შემთხვევაზე, რომელზეც ქალბატონი მარინა საუბრობს, ძალიან ღრმა ეპიდემოლოგიურ კვლევას ვაწარმოებთ დაახლოებთ 20-დან 25-მდე კონტაქტზე და იმედი გვაქვს, რომ წყარო დადგინდება, ამიტომ ჯერ დარწმუნებით ვერ გეტყვით, რომ ჩვენ გვყავს ინფიცირებული ადამიანი, სადაც ვერ გავდივართ პირველწყაროზე. მე მაინც იმედი მაქვს, რომ მაინც გავალთ. თუ ვერ გავედით კონტაქტზე, მაშინ შეგვიძლია ვთქვათ, რომ ასეთი შემთხვევები ქვეყანაში უკვე იქნება. დარწმუნებული ვარ, ამ კვირაში, მომავალ კვირაში გვექნება შემთხვევები, სადაც უკვე არის დიდი ალბათობა, რომ ვერ გავალთ პირველწყაროზე ინფექციის შემოტანისა ან ადგილობრივი დაინფიცირებისა. მაგრამ კონკრეტულად ამ შემთხვევაზე მიმდინარეობს კვლევა“, - განაცხადა გამყრელიძემ.

მისი თქმით, შემთხვევების ზრდა გვექნება, მაგრამ ჩვენი მთავარი ამოცანაა, მაქსიმალურად შევამციროთ ალბათობა შემთხვევების სწრაფი ზრდისა ქვეყანაში.

„ჩვენ ჯერ კიდევ ვიმყოფებით ე.წ. შეკავების ფაზაში, ორთვენახევარია, საქართველო ებრძვის ამ ინფექციას, და გარკვეულად შევაკავეთ, რომ არ გადავედით ფართო გავრცელების ფაზაში. ამ დრომდე ყველა შემთხვევის წყარო ვიცით, საიდან შემოვიდა, ვის გადაედო. როდესაც გაჩნდება ავადმყოფი სადმე, რომელიმე ამბულატორიულ დაწესებულებაში ტემპერატურით, ან კლინიკაში ტემპერატურით, რომელიც არ ყოფილა არც ესპანეთში, არც საფრანგეთში, არც ევროპაში და დაუდგინდება კორონავირუსული ინფექცია, როცა ვერ გაიხსენებს ან ვერ გვეტყვის ვისთან იყო კონტაქტში, რომელიმე საეჭვო პერსონასთან, მაშინ ვამბობთ, რომ არის მეოთხეული გადაცემა. ეს დღეს ჯერ არ ფიქსირდება. მაშინ იწყება ე.წ. ფართო გავრცელება, რომელიც არის ძირითადად პირველი შემთხვევის დადგენიდან მესამე, მეოთხე კვირაში და მერე მიდის ინფექციის ზრდა. ჩვენ არ ვაშინებთ მოსახლეობას, მაგრამ ყოველთვის ვაფრთხილებთ და ვამბობთ რომ შემთხვევების ზრდა გვექნება, მაგრამ ჩვენი მთავარი ამოცანაა, მაქსიმალურად შევამციროთ ალბათობა შემთხვევების სწრაფი ზრდისა ქვეყანაში“,- განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები