2015-07-29 11:33:27, 1260 ნახვა
მსოფლიო
ეგვიპტეში ხანძრის შედეგად 25 ადამიანი დაიღუპა
ეგვიპტეში, ქალაქ უბურში ავეჯის ქარხანაში გაჩენილ ხანძარს სულ მცირე 25 ადამიანი ემსხვერპლა.
20-ზე მეტ ადამიანს კი სხვადასხვა ხარისხის დამწვრობა და დაზიანება აღენიშნება.
ხანძარი სავარაუდოდ, ბუნებრივი აირის ავზის აფეთქებამ გამოიწვია, როდესაც მისი ტრანსპორტირება ხდებოდა. ცეცხლი 20-ზე მეტ სატვირთო ავტომობილს მოედო.
ადგილობრივი მედიის ცნობით, ქარხანას უსაფრთხოების სახელმწიფო სერტიფიკატი არ ჰქონდა აღებული.
ამასთან, ეგვიპტის სიდიდით მეორე ქალაქ ალექსანდრიაში სასურსათო მაღაზიაში გაჩენილი ხანძრის შედეგად სულ მცირე 11 ადამიანი დაშავდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
