2015-07-17 10:55:09, 1438 ნახვა
მსოფლიო
ნიგერიაში თავდასხმების შედეგად 50-ზე მეტი ადამიანი დაიღუპა
ნიგერიის ქალაქ გომბეში ბაზრის ტერიტორიაზე მომხდარი აფეთქებების შედეგად 50-ზე მეტი ადამიანი დაიღუპა.
"როიტერის" ცნობით, მომხდარზე პასუხისმგებლობა ჯერ არავის აუღია. თუმცა თავდასხმები სავარაუდოდ, ისლამისტურმა მოძრაობა "ბოკო ჰარამმა" განახორციელა.
"წითელი ჯვრის" ინფორმაციით, არიან დაშავებულებიც, მათი რიცხვი 70-ს აღწევს.
ნიგერიის პრეზიდენტმა მუჰამადუ ბუჰარიმ "ბოკო ჰარამის" წინააღმდეგ ბრძოლა მთავრობის მთავარ პრიორიტეტად გამოაცხადა. თუმცა თავდასხმები ბოლო თვეების განმავლობაში მაინც გრძელდება. ბუჰარიმ კვირის დასაწყისში თავდაცვის მინისტრიც შეცვალა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
