თავდაცვის მინისტრის თინა ხიდაშელის განცხადებით, არსებითი პაკეტის იმპლემენტაცია ნატო-ს ექსპერტებთან ერთად გაგრძელდება.

ამის შესახებ ხიდაშელმა ჟურნალისტებს საქართველოში დაგეგმილი ერთობლივი საწვრთნელი ცენტრის გახსნის საკითხის კომენტირებისას განუცხადა.

„საქართველოში უკვე იმყოფება ნატო-ს ძირითადი გუნდის ხელმძღვანელი, მისი მოადგილე, ყველა არ არის ჯერ ჩამოსული, მაგრამ ივლისის ბოლომდე უკვე მთლიანი შემადგენლობა აქ იქნება. თითოეული მათგანი არის უელსის პაკეტის თითოეული ნაწილის კოორდინატორი და შესაბამისად, მათთან ერთად გავაგრძელებთ პაკეტის იმპლემენტაციას. რა თქმა უნდა, ამ პაკეტის ერთ-ერთი ძირითადი და მნიშვნელოვანი კომპონენტი არის სწორედ საწვრთნელი ცენტრის შექმნა, რომელიც დიდი ხანია  ვთქვით, რომ ნაცვლად დაგეგმილი შემოდგომის ბოლოს, აგვისტოში გაიხსნება და ჩვენი ამოცანაა, რაც შეიძლება, მაღალი ტემპით, სწრაფად მივიდეთ იმ შედეგამდე, რომელიც ვფიქრობ, საქართველოს ყველა მოქალაქეს გვაერთიანებს და შევასრულოთ პაკეტის მოთხოვნები სწრაფად, ეფექტურად და ხარისხიანად და გადავდგათ შემდეგი ნაბიჯები“, - განაცხადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები