ფლორენციაში მდებარე უფიცის გალერეის მკვლევარებმა დაადგინეს, რომ ლეონარდო და ვინჩი ამბიდექსტრი იყო. ეს იმას ნიშნავს, რომ მას ორივე ხელით წერა და ხატვა თანაბრად შეეძლო. იშვიათ შემთხვევებში ამბიდექსტრ ადამიანებს ერთდროულად ორივე ხელით სხვადასხვა წინადადებების წერა შეუძლიათ, მაგრამ და ვინჩის შემთხვევაში ამის შესახებ მეცნიერები არ საუბრობენ. 

მეცნიერებმა და ვინჩის ერთ ერთი პირველი ცნობილი ნამუშევარი სახელწოდებით "არნოს პეიზაჟი" შეისწავლეს. ეს ნამუშევარი 1473 წლით არის დათარიღებული, მხატვარი მაშინ 21 წლის იყო. ნამუშევრის უკანა მხარეს და ვინჩის მიერ დაწერილი წინადადების ანალიზის შემდეგ მეცნიერებმა დაადგინეს, რომ ტექსტის ერთი ნაწილი მარჯვენა, ხოლო მეორე მარცხენა ხელით არის დაწერილი. 
აქამდე ცნობილი იყო, რომ ლეონარდო და ვინჩი ცაცია იყო და ე.წ სარკისებრივ წერის სტილს იყო მიჩვეული, მაგრამ ახალი აღმოჩენა დასტურია იმისა, რომ ის ორივე ხელით წერდა და ხატავდა.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები