უკრაინის თავდაცვის სამინისტრო დონეცკის აეროპორტიდან უკრაინელი მებრძოლების გაყვანას უარყოფს

2015-01-22 14:00:30, 2286 ნახვა

მსოფლიო

უკრაინელი სამხედროების მიერ დონეცკის აეროპორტის დატოვების შესახებ გავრცელებულ ინფრომაციას, უკრაინის თავდაცვის სამინისტრო არ ადასტურებს.

უწყების ინფორმაციით, ამ დროისთვის, აეროპორტის ტერიტორიაზე ბრძოლა კვლავ გრძელდება.

„ამ დროისთვის დონეცკის აეროპორტის ირგვლივ მიმდინარეობს სროლები, დონეცკის აეროპორტის შენობისა და ტერიტორიის ნაწილს, ისევ ჩვენი სამხედროები აკონტროლებენ“,-განაცხადა უკრაინის შეიარაღებული ძალების გენერალური შტაბის სპიკერის მოვალეობის შემსრულებელმა ვლადისლავ სილიზნიოვმა.

მისივე განცხადებით, ორმხრივი სროლის შედეგად დონეცკის აეროპორტის ტერიტორიაზე, ახალი ტერმინალის შენობა თითქმის დანგრეულია და უკრაინელ სამხედროებს მისი დატოვება მოუწიათ.

შეგახსენებთ, უკრაინულ მედიაში უკრაინული ბატალიონის „აზოვი“ განცხადება გავრცელდა, რომლის თანახმადაც, უკრაინელმა მებრძოლებმა დონეცკის აეროპორტი დათმეს და პოზიციები დატოვეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან