ბათუმში, რიგით მე-12 საერთაშორისო კონფერენცია - „საქართველოს ევროპული გზა" იმართება, რომელიც 2007 წლიდან, ტრადიციულად, ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატის ორგანიზებით ტარდება.

კონფერენცია ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრმა დავით ბაქრაძემ გახსნა.

კონფერენციის მონაწილეებს მისასალმებელი სიტყვით მიმართეს ბულგარეთის რესპუბლიკის პრეზიდენტმა როსენ პლევნელიევმა, საქართველოს საგარეო საქმეთა მინისტრმა თამარ ბერუჩაშვილმა, ლიტვის რესპუბლიკის საგარეო საქმეთა მინისტრმა ლინას ლინკევიჩიუსმა, ლატვიის რესპუბლიკის პარლამენტის (Saeima) ვიცე-სპიკერმა ინესე ლიბინა-ეგნერემ და პოლონეთის რესპუბლიკის პარლამენტის ვიცე-მარშალმა ელჟბიეტა რაძისზევსკამ.

აღნიშნული კონფერენცია „აღმოსავლეთ პარტნიორობის" რიგის სამიტის შედეგების, ევროკავშირთან ასოცირების შესახებ შეთანხმების და მისი ნაწილის, ღრმა და ყოვლისმომცველი თავისუფალი სავაჭრო სივრცის კომპონენტის განხორციელების საკითხების განხილვას ეძღვნება. რეგიონში არსებული გეოპოლიტიკური ვითარების გათვალისწინებით მნიშვნელოვანი ყურადღება დაეთმობა ევროკავშირის აღმოსავლეთ სამეზობლოში უსაფრთხოების გამოწვევებს.

კონფერენციის მუშაობაში მონაწილეობენ საქართველოსა და ევროკავშირის წევრი ქვეყნების, ევროკავშირის ინსტიტუტებისა და პარტნიორი ქვეყნების მაღალი რანგის ოფიციალური პირები, სამოქალაქო საზოგადოებისა და ბიზნეს სექტორის წარმომადგენლები. ღონისძიებას აშუქებს საერთაშორისო და ადგილობრივი მედია.

კონფერენციის ფარგლებში იმუშავებს ექვსი თემატური სესია: რიგის სამიტის შემდეგ – „აღმოსავლეთ პარტნიორობის" ფარგლებში შემდგომი თანამშრომლობის განვითარების პერსპექტივები; აღმოსავლეთ ევროპაში უსაფრთხოებისა და სტაბილურობის განმტკიცების შესაძლებლობები „ჩეთემ ჰაუს"-ის ფორმატი; თანამშრომლობა V4-სა (სლოვაკეთის რესპუბლიკა, უნგრეთი, ჩეხეთის რესპუბლიკა, პოლონეთის რესპუბლიკა) და „აღმოსავლეთ პარტნიორობის" ქვეყნებს შორის; საქართველო–ევროკავშირის ასოცირების შესახებ შეთანხმებით გათვალისწინებული რეფორმების განხორციელება – გამოცდილებისა და საუკეთესო პრაქტიკის გაზიარება; ღრმა და ყოვლისმომცველი თავისუფალი სავაჭრო სივრცე (DCFTA); ევროკავშირის საკითხებზე სტრატეგიული კომუნიკაცია და თანამშრომლობა სამოქალაქო საზოგადოებასთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი ხნის შემდეგ პირველად, რუსული არმია ზაპორიჟიესა და დნიპროპეტროვსკის მიმართულებებიდსნ უკან იხევს

ამერიკელი მედიამაგნატი Vogue, The New Yorker,-ს მფლობელი დონალდ ნიუჰაუსი 96 წლის ასაკში გარდაიცვალა

თბილისის მერია სიონის ტაძარში რეაბილიტაციის პროექტს იწყებს

საქართველოს ქალაქებში სამხედრო ტექნიკის გამოფენა გაიმართა