ოკუპირებული ცხინვალი ე.წ. საზღვრის უკანონო გადაკვეთისთვის ჯარიმას გაზრდის

2018-11-02 11:17:37, 696 ნახვა

რეგიონი

ოკუპირებული ცხინვალი ე.წ. საზღვრის უკანონო გადაკვეთისთვის ჯარიმის გაზრდას აპირებს, - ამის შესახებ "სპუტნიკ ოსეტია" იუწყება.

მედია საშუალების ინფორმაციით, შესაბამისი "კანონპროექტი" დე-ფაქტო მთავრობამ და ე.წ. პარლამენტის თავდაცვის კომიტეტმა განიხილა.

მარიონეტული რეჟიმი ამტკიცებს, რომ ამჟამად მოქმედი ჯარიმის ოდენობა არაეფექტურია და კანონდარღვევათა შემცირებას ხელს არ უწყობს.

ე.წ. კომიტეტის თავმჯდომარი სერგეი ხარებოვის თქმით, ჯარიმის ოდენობი გაზრდა დარღვევების რაოდენობას შეამცირებს და ამავდროულად "ბიუჯეტის გაზრდას შეუწყობს ხელს".

ცნობისთვის, ჯარიმა ე.წ. საზღვრის უკანონო გადაკვეთისთვის ამჟამად ჯარიმა 2000 რუსულ რუბლს შეადგენს. მისი გაზრდის შემთხვევაში კი 20 ათას რუბლი გახდება, ხოლო მაღალი თანამდებობის პირებისთვის ჯარიმა ორმაგი ოდენობის იქნება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები