ბათუმში, სასტუმრო „შერატონში“, საქართველოს სოციალურ მუშაკთა ასოციაციის პროექტის "ძლიერი სამოქალაქო საზოგადოება ეფექტიანი მმართველობისთვის" ფარგლებში ჩატარებული კვლევის შედეგების პრეზენტაცია გაიმართა.

შეხვედრას, აჭარის ა/რ ჯანმრთელობისა და სოციალური დაცვის მინისტრი ზაალ მიქელაძე და მინისტრის მოადგილეები ნინო ნიჟარაძე და ზურაბ თენიეშვილი დაესწრენენ.

პროექტის ფარგლებში საქართველოს 6 რეგიონის 13 მუნიციპალიტეტში, მათ შორის აჭარაში (ბათუმი, შუახევი) ჩატარდა არსებული მუნიციპალური სოციალური მომსახურებების შეფასება და აღნიშნული მომსახურებების ზეგავლენის ანალიზი.

შეხვედრაზე კვლევის შედეგებთან ერთად წარმოდგენილი იქნა პროგრამის ექსპერტების მიერ მომზადებული მასალა "საჭიროებებზე დაფუძნებული პოლიტიკის მიმოხილვა“ და „საუკეთესო მუნიციპალური მომსახურებების მიწოდების პრაქტიკის მიმოხილვა“.

პროექტს World Vision საქართველო, საქართველოს სოციალურ მუშაკთა ასოციაციასა და საქართველოს ახალგაზრდა ეკონომისტთა ასოციაციასთან ერთად საქართველოს 6 რეგიონში (იმერეთი, აჭარა, კახეთი, სამეგრელო, ქვემო ქართლი და სამცხე-ჯავახეთი) ახორციელებს. პროექტი მხარდაჭერილია ევროკავშირის მიერ.

პროექტი მიზნად ისახავს ხელი შეუწყოს კარგი მმართველობის, ანგარიშვალდებულების და ინკლუზიური საჯარო პოლიტიკის ფორმირებას, რომელიც მოიცავს ძლიერ სამოქალაქო საზოგადოებას ადგილობრივ და რეგიონულ დონეზე. პროექტის ფარგლებში საქართველოს სოციალურ მუშაკთა ასოციაციამ განახორციელა ადგილობრივი მუნიციპალური სოციალური პროგრამების აღწერა და შეფასება.

(NS)

ავტორი: ,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა