საარჩევნო სისტემის მოდელი უმრავლესობის და ბიძინა ივანიშვილის საერთო პოზიციაა“, - ამის შესახებ პარლამენტის თავმჯდომარემ დავით უსუფაშვილმა ჟურნალისტებს უმრავლესობის სხდომის დასრულების შემდეგ განუცხადა.

როგორც უსუფაშვილმა აღნიშნა, სისტემის მოდერნიზაცია ისე მოხდება, რომ საკონსტიტუციო სასამართლოს გადაწყვეტილება დაცული იყოს.

„ყველა პოლიტიკურ ძალას მივმართავ, გადმოდგას საპასუხო ნაბიჯი, რადგან ეს არის მნიშვნელოვანი რეფორმა. ამ გადაწყვეტილებებს ახლავე მივიღებთ. 2016 წლის არჩვნების ბედი, არჩევნების შემდეგ კი არ გადაწყდება, არამედ გვინდა, რომ საკონსტიტუციო ცვლილებები წლის ბოლომდე დავასრულოთ. მოხარული ვიქნებოდი, რომ ყველა წინა ხელისუფლებას მსგავსი ნაბიჯი გადაედგა", - განაცხადა სუუფაშვილმა.

რაც შეეხება სხდომაზე ბიძინა ივანიშვილის დასწრებას, უსუფაშვილმა აღნიშნა, რომ ყოფილი პრემიერი სხდომას მათი თხოვნით დაესწრო.

"ბიძინა ივანიშვილი სხდომას ჩვენი თხოვნით ესწრებოდა, რადგან საჭიროდ ჩავთვალეთ, ამ მნიშვნელოვანი საკითხის გადაწყვეტისას აქ ყოფილიყო. ივანიშვილმა თავისი პოზიცია გუშინვე დააფიქსირა. ეს მოდელი სწორედ საერთო პოზიციაა", - აღნიშნა დავით უსუფაშვილმა.

2016 წლის საპარლამენტო არჩევნების შემდგომი არჩევნები კი პროპორციული საარჩევნო სისტემით ჩატარდება - აღნიშნული გადაწყვეტილება გუშინ, საპარლამენტო უმრავლესობის სხდომაზე მიიღეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა