ფეხბურთის საერთაშორისო ფედერაციის FIFA-ს ახლადარჩეულმა პრეზიდენტმა იოზეფ ბლატერმა თანამდებობიდან გადადგომის შესახებ გადაწყვეტილება მიიღო.

ბლატერის განცხადებით, ახალ პრეზიდენტს უახლოეს ხანებში აირჩევენ. თავად საკუთარ კანდიდატურას არ წარმოადგენს, თუმცა არჩევნებამდე FIFA-ს პრეზიდენტის მოვალეობის შემსრულებელი იქნება.

„იმის მიუხედავად, რომ ფედერაციის წევრებმა ახალი მანდატი მომანიჭეს, ხელახლა ამირჩიეს პრეზიდენტად, როგორც ჩანს, ამ მანდატს მხარს ფეხბურთის სამყაროში ყველა არ უჭერს - გულშემატკივრები, კლუბები, ფეხბურთელები. ამიტომ მოვიწვევ კონგრესს და დავთმობ ჩემს უფლებამოსილებებს“, - განაცხადა იოზეფ ბლატერმა.

როგორც ცნობილია, ფეხბურთის საერთაშორისო ფედერაციის სპონსორები პრეზიდენტის პოსტის დატოვებასთან დაკავშირებით ბლატერის გადაწვეტილებით კმაყოფილები არიან.

გავრცელებული ცნობით კი შეერთებულ შტატებში კორუფციულ სკანდალთან დაკავშირებით ბლატერის ჩართულობის თაობაზე გამოძიებას ჩაატარებენ.

გასულ კვირას იოზეფ ბლატერმა FIFA-ს პრეზიდენტის არჩევნებში გაიმარჯვა. მისმა ერთადერთმა კონკურენტმა, იორდანიის პრინცმა ალი ბინ ალ-ჰუსეინმა არჩევნების პირველი ტურის შემდეგ კანდიდატურა მოხსნა.

არჩევნები კორუფციული სკანდალის ფონზე გაიმართა. შვეიცარიის სამართალდამცავმა ორგანოებმა ქრთამის აღების ბრალდებით ორგანიზაციის შვიდი მაღალჩინოსანი დააკავეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს