05:01 - 31 May, 2026
ჩვენ შესახებ რეკლამა/ხელმოწერა
2018-05-09 17:21:40, 1760 ნახვა

ეკონომიკა
მამუკა ბახტაძე ჩრდილოეთის საინვესტიციო ბანკის პირველ ვიცე-პრეზიდენტს შეხვდა

ევროპის რეკონსტრუქციისა და განვითარების ბანკის ყოველწლიური შეხვედრის ფარგლებში, საქართველოს ფინანსთა მინისტრი, ევროპის რეკონსტრუქციისა და განვითარების ბანკში საქართველოს მხრიდან მმართველი მამუკა ბახტაძე ჩრდილოეთის საინვესტიციო ბანკის (NIB) პირველ ვიცე-პრეზიდენტს, თომას ვრანგდალს შეხვდა.

ფინანსთა სამინისტროს ინფორმაციით, უკვე მიმდინარეობს მუშაობა და უახლოეს პერიოდში, საქართველოსა და ბანკს შორის  გაფორმდება ჩარჩო ხელშეკრულება, რომლის ფარგლებში დაიწყება თანამშრომლობა.

„ფინანსურ რესურსთან ერთად, მნიშვნელოვანია ისეთ თემებზე მუშაობა, როგორიცაა ციფრული ეკონომიკა, მწვანე ეკონომიკა და განათლება. ჩრდილოეთის ქვეყნებს, რომელშიც შედიან სკანდინავიისა და ბალტიის ქვეყნები, ამ საკითხებში აქვთ დიდი გამოცდილება, ამიტომ ჩვენთვის ძალიან ღირებული იქნება ეს თანამშრომლობა," - განაცხადა ფინანსთა მინისტრმა, მამუკა ბახტაძემ.

„ქართულ დელეგაციასთან, რომელსაც ფინანსთა მინისტრი მამუკა ბახტაძე ხელმძღვანელობს, გვქონდა ძალიან კარგი შეხვედრა. მოუთმენლად ველით დიალოგის გაგრძელებას საქართველოსთან ჩარჩო ხელშეკრულების გაფორმებასთან დაკავშირებით. ჩვენთვის ძალიან შთამბეჭდავია ის ტემპი, რომლითაც საქართველო მუშაობს თანამშრომლობის შეთანხმების გაფორმებისთვის. ვიმედოვნებთ, რომ უახლოესი თვეების განმავლობაში, მოხდება დოკუმენტზე ხელმოწერა და ჩრდილოეთის საინვესტიციო ბანკსა და საქართველოს შორის დაიწყება აქტიური პარტნიორობა“, - აღნიშნა ბანკის ვიცე-პრეზიდენტმა.

 

(NS)





ავტორი: ,


სოციალური ქსელები
ვიტინია პსჟ-სა და არსენალის ჩემპიონთა ლიგის ფინალში მატჩის საუკეთესო მოთამაშედ დასახელდა
ზედიზედ მეორედ, ხვიჩა კვარცხელია და პსჟ ჩემპიონთა ლიგის გამარჯვებულია, სხვა რომელმა ქართველმა აღმართა თასი?
პსჟ-მ ჩემპიონთა ლიგა ზედიზედ მეორედ მოიგო
Bloomberg: ქუვეითში, საჰაერო ბაზაზე ირანის სავარაუდო დარტყმის შედეგად რამდენიმე ამერიკელი დაიჭრა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics