პოლონეთის პრეზიდენტმა ბრონისლავ კომოროვსკიმ საპრეზიდენტო არჩევნებში დამარცხება აღიარა.

არჩევნების მეორე ტურში კომოროვსკი კონსერვატიული პარტიის „უფლება და სამართალი“ კანდიდატმა ანჯეი დუდამ დაამარცხა. წინასწარი შედეგების მიხედვით, დუდამ ხმების 53% მიიღო.

"მე პატივს ვცემ თქვენს არჩევანს. მე ჩემს მოწინააღმდეგეს წარმატებულ პრეზიდენტობას ვუსურვებ", - განაცხადა კომოროვსკიმ.

გამარჯვებულმა დუდამ კი კომოროვსკის მადლობა გადაუხადა მილოცვისთვის და აღნიშნა, რომ მან, ვინც ხმა მის კანდიდატურას მისცა, ცვლილებები აირჩია.

ბრონისლავ კომოროვსკიმ პოლონეთის პრეზიდენტის პოსტი 2010 წელს დაიკავა.

პოლონეთში პრეზიდენტს შეზღუდული უფლებამოსილებები აქვს. თუმცა, იგი შეიარაღებული ძალების მთავარსარდალია და მას ახალ კანონზე ვეტოს დადების უფლება აქვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს