აჭარის მთავრობის თავმჯდომარე ზურაბ პატარაძე დღეს ხულოს მუნიციპალიტეტში   სხალთის საჯარო სკოლას ეწვია, სადაც თანამედროვე კომპიუტერებით აღჭურვილი საკლასო ოთახი გაიხსნა.

აჭარის მთავრობის პრესსამსახურის ინფორმაციით, კომპიუტერები სკოლას აჭარის მთავრობის თავმჯდომარის ინიციატივითა და ბათუმის საზღვაო პორტის ფინანსური მხარდაჭერით გადაეცა.

მაღალმთიანი აჭარის სკოლაში ახალი საინფორმაციო-კომპიუტერული საკლასო ოთახის გახსნას აჭარის განათლების, კულტურის და სპორტის მინისტრი ინგა შამილიშვილი, ხულოს მუნიციპალიტეტის მერი გოჩა მელაძე და ბათუმის საზღვაო პორტის  გენერალური დირექტორი დანიარ მუჰამედრაჰიმოვი ესწრებოდნენ.

ზურაბ პატარაძის თქმით, მნიშვნელოვანია კერძო სექტორის თანამონაწილეობა საქველმომქედო პროექტებში, განსაკუთრებით კი საგანმანათლებლო მიმათულებით.

,,ძალიან მნიშვნელოვანია მაღალმთიან აჭარაში კომპიუტერული ტექნიკის დამატებით შემოტანა და  ოთახების მოწყობა,. ვსარგებლობ შემთხვევით და მადლობას ვუხდი ყაზახურ მხარეს, ბათუმის საზღვაო პორტს. ერთობლივი, სწორი, კოორდინირებული მუშაობის შედეგია  დღევანდელი სოციალური პროექტი. არაერთ პროექტში იღებენ ისინი მონაწილეობას. საახალწლოდ რამოდენიმე მიმართულებით განხორციელდა საქველმოქმედო აქციები. თუმცა, დღეს მე მოხარული ვარ, რომ უშუალოდ ხულოს მუნიციპალიტეტში სხალთის სკოლაში თანამედროვე ტექნიკა ამოვიტანეთ, რაც საშუალებას მისცემს მოსწავლეებს მეტი განვითარების, ახალი ტექნოლოგიების დაუფლების. ეს არის კარგი და სწორი ნაბიჯი და ჩვენ მომავალშიც ვიმუშავებთ ამ მიმართულებით“,-აღნიშნა ზურაბ პატარაძემ.

კომპიუტერების საკლასო ოთახში სხვადასხვა საგნის პრეზენტაცისთვის ამიერიდან საუკეთესო პირობებია შექმნილი.

მაღალი ხარისხის ვიზუალიზაცია და ინტერნეტის გამოყენება ხელს შეუწყობს თანამედროვე მეთოდებით სწავლების განვითარებას.

(NS) 

ავტორი: ,

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის