გიუმრიში მყოფ რუს სამხედროებს ხელმძღვანელობამ ქალაქში გასვლა აუკრძალა

2015-01-16 14:13:56, 2741 ნახვა

მსოფლიო

გიუმრიში განლებული 102-ე რუსული სამხედრო ბაზის ხელმძღვანელობამ სამხედრო მოსამსახურეებს ქალაქში გასვლა აუკრძალა, - ამის შესახებ გაზეთი „ჩოროდ იშხანუთიუნი“ იუწყება.

გაზეთის ინფორმაციით, ოჯახიანი სამხედრო მოსამსახურეებს სახლებში სპეციალური ტრანსპორტით არიგებენ, ხოლო უცოლოებს ბაზაზე ტოვებენ.

სამხედრო მოსამსახურეებს აკრძალული აქვთ ქალაქში გამოჩენა, კაფეში და სხვა ადგილებში შესვლა.

გაურკვეველი დროით, დაკეტილი რუსული ზოგადსაგანმანათლებლო სკოლა, რომელიც გიუმრიში რუსეთის საკონსულოს ეგიდით მოქმედებს.

გაზეთის ინფორმაციით, სამხედრო მოსამსახურეების ცოლები საყიდლებზეც კი არ დადიან და მათთან პროდუქტები სომეხ მეგობრებს მიაქვთ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან