„ქართულ ოცნებაში არის რაღაც განუმეორებლად საბჭოთა ქვეყნის შენებისა და განვითარების საქმეში სრული უუნარობის კომპენსაცია ძალადობით, პოლიტიკური დევნით და დაპატიმრებებით“, - ამის შესახებ  „ევროპული საქართველოს“ ერთ-ერთმა ლიდერმა სერგო რატიანმა პარლამენტის პლენარულ სხდომაზე განაცხადა.

„როგორც ჩანს   თქვენ მიგაჩნიათ, რომ მისალოცია  ლარის კურსი  ქართული საზოგადოებისათვის, როგორც ჩანს თქვენ მიგაჩნიათ, რომ მისალოცია  საქართველოში კიდევ ერთი პოლიტიკური პატიმარის გაჩენა და  ეს   პატიმარი არის გოგა ონიანი.  გოგა ონიანი 2012 წლიდან იყო აქტიური პოლიტიკური ფიგურა, რომელსაც მონაწილეობა მიღებული აქვს  საპროტესტო აქციებში და  იყო პოლიტიკური პატიმრების  ადვოკატი, აქციებზე დაპატიმრებული პოლიტიკური პატიმრების ადვოკატი.

თქვენ გინდათ თქვათ, რომ სამართალის უზენაესობა განხორციელდა, როდესაც ამ საქმეში არც გამომძიებელი არ არის დაპატიმრებული და არც  გასამართლებული, არც პროკურორი და არც ის პოლიციელები, რომლებიც საქმეში გადიოდნენ” კარგად გესმით, თუ რანაირ სამართლის უზენაესობას აქვს ადგილი.

უნდა ითქვას, რომ  თქვენ სწორედ ამ ფონზე მოძალადეები გამოუშვით, თქვენ ბუკა პეტრიაშვილზე თავდამსხმელი გამოუშვით და ასევე გამოშვებული გყავთ გივი თარგამაძის  ამფეთქებელი“,-აღნიშნა რატიანმა.

ავტორი: ,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია