„შემოთავაზებულ პაკეტს და ნებისმიერი ტიპის ცვლილებას ექნება ოპოზიციის მხარდაჭერა თუ ეს არის რეალურად გამიზნულად გადადგმული ნაბიჯი ბიუროკრატიული ხარჯის შემცირებისკენ“, - ამის შესახებ „ევროპული საქართველოს“ წევრმა ირაკლი აბესაძემ სამთავრობო ცვლილებებთან დაკავშირებით განაცხადა.

როგორც მან აღნიშნა, გამოთავისუფლებული თანხები პენსიის ზრდას და ეკონომიკური განვითარების მასტიმულირებელ სხვადასხვა პროგრამებს უნდა მოხმარდეს.

„იმ წარმოდგენილ სტრუქტურულ  და საკადრო ცვლილებებზე მეტად განსაკუთრებით საინტერესოა, თუ რა ფინანსური ეფექტი ექნება ამ ყველაფერს და რამდენად დაიზოგება საბიუჯეტო თანხები. პირველ რიგში, ის ბიუროკრატიული ხარჯები, რომელიც წლების განმავლობაში უთავბოლოდ იზრდებოდა „ქართული ოცნების“ ხელისუფლების პირობებში და რომელიც ერთ-ერთი ფუნდამენტური მიზეზია სწორედ ლარის გაუფასურების და ჩვენი ეკონომიკური განვითარების შეფერხების. გამოთავისუფლებული თანხები უნდა მოხმარდეს პენსიის ზრდას და ეკონომიკური განვითარების მასტიმულირებელ სხვადასხვა პროგრამებს“, - განაცხადა ირაკლი აბესაძემ. 

ცნობისთვის, მთავრობაში საკადრო გადაადგილებები და სტრუქტურულ-ფუნქციური ცვლილებები განხორციელდა.

ავტორი: ,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია