ნიუ-იორკის ტერაქტის შემსრულებელი თავდასხმას რამდენიმე კვირის განმავლობაში გეგმავდა, - ამის შესახებ CNN ადგილობრივ პოლიციაზე დაყრდნობით იუწყება. 

მედია საშუალების ინფორმაციით, თავდამსხმელმა ტერაქტი “ისლამური სახელმწიფოს“ სახელით განახორციელა.

მედიის ცნობით, თავდამსხმელი უზბეკეთის მოქალაქე, 29 წლის საიფულო საიპოვია, რომელიც აშშ-ში 2010 წლიდან იმყოფება. საიპოვის სასამართლო პროცესი გუშინ ჩატარდა. ის პროცესს ეტლით დაესწრო. 

როგორც მან განაცხადა, ტერაქტის მოწყობა ჯერ კიდევ ერთი წლის წინ გადაწყვიტა. მისივე თქმით, 2 თვის წინ მან კონკრეტული გეგმის ჩამოყალიბება დაიწო და გადაწყვიტა ავტომობილით ხალხში შეჭრილიყო. 

"ვფიქრობდი, რომ ჰელოუნის დღეს ქუჩაში უფრო მეტი ხალხი იქნებოდა", - დასძინა მან. 

გარდა ამისა, თავდამსხმელის განცხადებით, მასზე გავლენა ISIS-ის პროპაგანდისტულმა ვიდეოებმა მოახდინეს. პოლიციამ მის პირად ტელეფონში 90-მდე შესაბამისი შინაარსის ვიდეო იპოვეს. 

შეგახსენებთ, რომ ნიუ-იორკში, მანჰეტენზე განხორციელებული ტერორისტული აქტის შედეგად 8 ადამიანი დაიღუპა, 11 კი დაშავდა.

ავტორი: ,

სოციალური ქსელები

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ

კალასი: ევროკავშირის უსაფრთხოების ინტერესებში საქართველოდან რუსული ჯარების გაყვანაც შედის