საქართველოს შეიარაღებული ძალების დაარსებიდან 24-ე წლისთავთან დაკავშირებით, ვაზიანში, IV მექანიზირებული ბრიგადაში საზეიმო ცერემონიალი გაიმართა.

თავდაცვის სამინისტროს ინფორმაციით, სამწყობრო მოედანზე მოწყობილ პირად შემადგენლობას გენერალური შტაბის უფროსმა, გენერალ-მაიორ ვახტანგ კაპანაძემ და სახმელეთო ჯარების აღმოსავლეთ სარდალმა, პოლკოვნიკმა ალექსანდრე კიკნაძემ სიტყვით მიმართეს და  შეიარაღებული ძალების დღე მიულოცეს. მათ წარმატებული სამხედრო მოსამსახურეები სამადლობელო სიგელებით დააჯილდოვეს.

დღესვე, აღმოსავლეთ სარდლობის ბრიგადების სამხედრო მოსამსახურებმა სპორტული შეჯიბრებებიც გამართეს. გამარჯვებულებს შესაბამისი სერთიფიკატები გადაეცათ. 

შეიარაღებული ძალების დღესთან დაკავშირებით IV მექანიზირებული ბრიგადის ბაზაზე ღია კარის დღე გაიმართა. ქართველ სამხედროებს დღესასწაული ოჯახის წევრებმა მიულოცეს და ბაზაზე გამოფენილი სამხედრო ტექნიკა დაათვალიერეს.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები