ჩინეთში კარიესის ვაქცინა მოიგონეს

2017-09-19 15:50:19, 9008 ნახვა

High - Tech

ჩინეთში უჰანის უნივერსიტეტის მკვლევარებმა შექმნეს ვაქცინა, რომელიც კარიესს კბილების განადგურებაში ხელს შეუშლის. ამის შესახებ სტატიას ჟურნალი Scientific Reports - ი აქვეყნებს.

ვირთხებზე ჩატარებული ექსპერიმენტის შედეგად ცნობილი გახდა, რომ მეცნიერების მიერ გამოყვანილი ცილა - KF-rPAc კარიესს აქტიურად ებრძვის და ხშირ შემთხვევებში ანადგურებს მას.

KF-rPAc იმ ბაქტერიებისგან გამოიყვანეს, რომლებიც ადამიანის პირის ღრუში მუდმივად ბინადრობენ. ეს ცილა იმუნიტეტს კარიესთან ბრძოლის დროს პრიორიტეტს აძლევს.

მეცნიერები ახალი ვაქცინის ადამიანებზე ცდების ჩატარებას ახლო მომავალში აპირებენ.

შეგახსენებთ, რომ ახლახანს ამერიკელმა და ავსტრალიელმა მეცნიერებმა დადეს დასკვნა იმის შესახებ, რომ კარიესის გამომწვევი ერთადერთი მიზეზი არასწორი ცხოვრების წესი, დაბალი იმუნიტეტი და ყოველდღიური ჰიგიენის არდაცვაა და არა მემკვიდრეობა, როგორც ადრე ითვლებოდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები