2017-08-02 16:17:56, 738 ნახვა

---

ოკუპირებული სამხრეთ ოსეთის დე ფაქტო ხელისუფლება ხვალიდან სოფელ არცევთან ხნულის გავლებას გეგმავს

ოკუპირებული სამხრეთ ოსეთის დე ფაქტო ხელისუფლება სოფელ არცევთან ხვალიდან ხნულის გავლებას გეგმავს.

ე.წ. სასაზღვრო სამსახურის ინფორმაციით, მორიგი საინჟინრო სამუშაოები 3 აგვისტოს დაიწყება და 18 აგვისტომდე გაგრძელდება.

„სამხრეთ ოსეთის სახელმწიფო უშიშროების კომიტეტის სასაზღვრო სამსახური ხანძარსაწინააღმდეგო ზოლის აღდგენის მიზნით, საქართველოსთან სახელმწიფო საზღვარზე ორი კვირის განმავლობაში საინჟინრო სამუშაოებს ჩაატარებს“, - აღნიშნულია განცხადებაში.

მათივე თქმით, სამუშაოები პროფილაქტიკური ხასიათისაა და რეგიონში ხანძრებთან დაკავშირებით არასასურველი პროგნოზის გამო ტარდება.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი