ჩაბუქის ადვოკატი: გადაწყვეტილებას საქალაქო სასამართლოში გავასაჩივრებთ - ექსტრადირების პროცესი შეჩერებული იქნება

2017-07-07 17:10:27, 2343 ნახვა

საზოგადოება კომენტარი

დემირელის სახელობის კოლეჯის მენეჯერის მუსტაფა ემრე ჩაბუქის ადვოკატის, სოსო ბარათაშვილის განცხადებით, ლტოლვილთა და განსახლების სამინისტროს მიერ მისი დაცვის ქვეშ მყოფისთვის ლტოლვილის სტატუსის მინიჭებაზე უარს, საქალაქო სასამართლოში გაასაჩივრებენ.

როგორც ადვოკატმა განმარტა გასაჩივრების პროცესში, მუსტაფა ემრე ჩაბუქის ექსტრადირების პროცესი შეჩერებული იქნება.

"ლტოლვილთა და გასახლების სამინისტროში გადმოგვცეს გადაწყვეტილება, რომლითაც ბატონ მუსტაფა ემრე ჩაბუქსა და მისი ოჯახის წევრებს უარი ეთქვათ ლტოლვილის სტატუსი მინიჭებაზე. დეტალურად გავეცნობით ამ გადაწყვეტილებას და ვრცელ კომენტარს გავაკეთებთ ორშაბათს. ერთი თვის ვადაში გადაწყვეტილებას საქალაქო სასამართლოში გავასაჩივრებთ. იმ დროის განმავლობაში, ვიდრე სასამართლო გადაწყვეტილებას არ მიიღებს, მუსტაფა ემრე ჩაბუქის ექსტრადირების პროცესი შეჩერებული იქნება. ეს საქმე იღებს საერთაშორისო მასშტაბებს და აქედან გამომდინარე, საქართველოს ხელისუფლებას მოუწევს სერიოზული დაფიქრება ექსტრადირების თაობაზე", - აღნიშნა სოსო ბარათაშვილმა.

მისივე თქმით, მუსტაფა ემრე ჩაბუქთან ერთად ლტოლვილის სტატუსის მინიჭებაზე უარი მის ოჯახსაც უთხრეს.

შეგახსენებთ, რომ მუსტაფა ემრე ჩაბუქს ლტოლილთა და განსახლების სამინისტრომ ლტოლვილის სტატუსის მინიჭებაზე უარი უთხრა. უარის ოფიციალური მიზეზი ჯერ უცნობია, თუმცა სამინისტრო განმარტებას დღეს 20:00 საათზე გააკეთებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან