2017-07-05 16:21:20, 2679 ნახვა

---

თურქეთის პოლიციამ „ისლამური სახელმწიფოს“ 6 წევრი დააკავა - ე.წ. ბოევიკები ტერაქტის მოწყობას გეგმავდნენ

თურქმა სამართალდამცველებმა ტერორისტული დაჯგუფება "ისლამური სახელმწიფოს" 6 წევრი დააკავეს, რომლებიც თავდასხმას გეგმავდნენ, - ამის შესახებ Dailysabah იუწყება.

მედია საშუალების ინფორმაციით, ტერორისტები თავდასხმას ადგილობრივი ოპოზიციის მიერ მოწყობილი საპროტესტო მარშის დროს გეგმავდნენ.

სამართალდამცველების თქმით, ტერორისტები მინი ავტობუსით ხალხში შეჭრას აპირებდნენ.

მედიის ცნობით, მარში 15 ივნისს გაიმართა. მისი ორგანიზატორი თურქეთის მთავარი ოპოზიციური პარტიის ლიდერი კემალ კირიჩდაროღლუ იყო. აქციის მონაწილეებმა ანკარიდან სტამბოლში 425 კილომეტრი ფეხით გაიარეს. ამ გზით მანიფესტანტებმა ოპოზიციონერი დეპუტატის დაკავება გააპროტესტეს.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი