„თიბისი ბანკის“ სათაო ოფისში საქართველოს ბიზნესასოციაციის ორგანიზებით, ასოციაციის წევრი კომპანიების წარმომადგენლები ევროპის რეკონსტრუქციისა და განვითარების ბანკის დირექტორს სამხრეთ კავკასიაში, მოლდოვასა და ბელორუსში ბრუნო ბალვანერას შეხვდნენ. 

შეხვედრის მთავარი თემა თბილისში 13-15 მაისს დაგეგმილი EBRD-ის ყოველწლიური შეხვედრის დეტალები იყო. ევროპის რეკონსტრუქციისა და განვითარების ბანკის დირექტორმა ბიზნესასოციაციის წევრებს ღონისძიების მთავარი მიზანი და ის შესაძლებლობები გააცნო, რომელიც ქართულ კომპანიებს ყოველწლიური შეხვედრის ფარგლებში ექნებათ. 

„ასოციაციის წევრებს ავუხსენი, თუ რა შესაძლებლობებს მისცეს მათ თბილისში დაგეგმილი შეხვედრა. ღონისძიებაზე ველოდებით დაახლოებით 1500 დელეგატს 66 ქვეყნიდან, იქნებიან როგორც სამთავრობო, ასევე კერძო სექტორის წარმომადგენლები. ჯერ არ ვიცით კონკრეტულად რომელი კომპანიების წევრები ჩამოვლენ, მათ სიას ახლა ვადგენთ. იქნება საერთაშორისო პრესა, სამოქალაქო სექტორი და EBRD-ის წარმომადგენლები“, - განაცხადა ბრუნო ბალვანერამ.

ბიზნესასოციაციის წევრი კომპანიის, „ვისოლის“ დირექტორთა საბჭოს თავმჯდომარის, სოსო ფხაკაძის განცხადებით კი EBRD-ის წლევანდელი შეხვედრა საქართველოსთვის განსაკუთრებულად მნიშვნელოვანია, რადგან ღონისძიება სწორედ თბილისში იმართება. მისი თქმით, EBRD-ი საქართველოში არსებული ყველაზე დიდი ფინანსური ინსტიტუტია, რომელიც  ჩართულია საბანკო სექტორში და ბევრ კომპანიას აფინანსებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე