ევროკომისარი ადამიანის უფლებების საკითხებში, ნილ მუჟნიეკსი აზერბაიჯანელი ჟურნალისტის და აქტივისტის აფგან მუხთარლის ირგვლივ განვითარებული მოვლენებით შეშფოთებულია.

როგორც ევროკომისარის განცხადებაშია ნათქვამი, აზერბაიჯანის ხელისუფლებამ ჟურნალისტი უნდა გაათავისუფლოს.

"შეშფოთებული ვარ იმის გამო, რაც აფგან მუხთარლის შეემთხვა. იგი გაიტაცეს საქართველოში და ძალის გამოყენებით გადაიყვანეს აზერბაიჯანში, სადაც ის პატიმრობაშია საზღვრის უკანონდ კვეთისა და კონტრაბანდის ბრალდებით. მუხთარლი 2015 წლიდან საქართველოში ცხოვრობს. საცხოვრებელი ადგილის შეცვლა განაპირობა იმ ფაქტმა, რომ აზერბაიჯანში მასზე მთავრობის მხრიდან რეპრესიები ხორციელდებოდა. ჟურნალისტის თქმით, მას ჯიბეში ფული გატაცების დროს ჩაუდეს და აზერბაიჯანში ჩასვლამდე არაადამიანურ ექცეოდნენ. ეს ძალიან სერიოზული ბრალდებებია, რომლებიც მკვეთრ დაკვირვებას და სწრაფ რეაგირებას ითვალისწინებს საქართველოს ხელისუფლების მხრიდან. საქართველოს მთავრობამ ეფექტური, სწრაფი და დამოუკიდებელი გამოძიება უნდა ჩაატაროს და ყველაფერი გააკეთოს იმისთვის, რომ გამოძიებამ სათანადო შედეგი დადოს. ამასთან, აზერბაიჯანის ხელისუფლებამ უმალვე უნდა გაათავისუფლოს ჟურნალისტი და მაქსიმალურად დაიცვას მისი უფლებები, მათ შორის დაიცვას ის წამებისა და არაადამიანური მოპყრობისგან", - ნათქვამია ევროკომისარის განცხადებაში.

შეგახსენებთ, აზერბაიჯანელი ჟურნალისტი აფგან მუხთარლი თბილისში 29 მაისს გაუჩინარდა. მისი მეუღლის, ლეილა მუსტაფაევას და მისი მეგობრის დაშგინ აღალარლის თქმით, ბოლო პერიოდში, აფგან მუხთარლის უცნობი პირები, სავარაუდოდ აზერბაიჯანელები, უთვალთვალებდნენ. 30 მაისს აზერბაიჯანულმა მედიამ გაავრცელა ინფორმაცია, რომ  აფგან მუხთარლი ბაქოში მალულად გადაიყვანეს და დააპატიმრეს.

ჟურნალისტს ბრალი სამი მუხლით წაუყენეს - სამართალდამცავებისათვის წინააღმდეგობის გაწევა, საზღვრის უკანონო კვეთა და კონტრაბანდა. ბაქოს საქალაქო სასამართლომ გუშინ მუხთარლის სამთვიანი წინასწარი პატიმრობა შეუფარდა.

ცნობისთვის, აფგან მუხთარლი აზერბაიჯანიდან დევნილი საგამოძიებო ჟურნალისტი და აქტივისტია, რომელიც ღიად გამოხატავდა აზერბაიჯანელი მთავრობის წინააღმდეგ მოსაზრებებს. 2015 წლის ინავრიდან ის საქართველოში ცხოვრობს, მის მეუღლესა და ქალიშვილთან ერთად, აფგანი თავისუფალ ჟურნალისტად მუშაობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანული მედია: თეირანსა და ვაშინგტონს შორის შეთანხმება მიღწეული არ არის

ორდღიანი ძებნის შემდეგ, დაკარგული მწყემსი მდინარე გუბისწყალში გარდაცვლილი იპოვეს

ბათუმის სახელმწიფო უნივერსიტეტის პროფესორმა ახალგაზრდა გოგოებზე იძალადა

Axios: აშშ და ირანი 60-დღიან ცეცხლის შეწყვეტაზე შეთანხმდნენ