2018 წლიდან სმარტფონების ბატარეების დამუხტვა 5 წუთში იქნება შესაძლებელი, - შესაბამის სტატიას BBC აქვეყნებს.

როგორც სტატიაშია ნათქვამი, ახალი ​ტექნოლოგიების ჩვენება პირველად ლას-ვეგასის ტექნოლოგიურ შოუზე მოხდა, როდესაც ებრაულმა სტარტაპ კომპანიამ StoreDot-მა ახალი ფლეშბატარეების დემონსტრაცია მოაწყო.

​კომპანიის აღმასრულებელი დირექტორის, დორონ მაიერდორფის თქმით, პროდუქცია ბაზარზე მომავალი წლის დასაწყისში გამოჩნდება. ამასთან, ტექნოლოგიების ანალიტიკოსი ბენ ვუდი CCS Insight-დან დარწმუნებული არ არის, რომ ეს ყველაფერი ასე მარტივად მოხდება.

2015 წელს დორონ მაიერდორფმა BBC-ის განუცხადა რომ მისი ბატარეები არატრადიციული ტექნოლოგიების გამოყენებითაა აგებული და ის დენის უფრო სწრაფად გადაცემას უზრუნველყოფს.

BBC-ის სტატიის თანახმად, ​ახალი ბატარეების ზოგიერთი ვერსია უფრო სქელი იქნება, ვიდრე სმარტფონის ბატარეები. გარდა ამისა, მაიერდორფის თქმით, პროდუქცია ბაზარზე გასასვლელად უკვე მზად არის.

​ანალიტიკოსი ბენ ვუდი მაინც სკეპტიკურადაა განწყობილი და ამბობს რომ სწრაფმა დატენვამ შეიძლება ბატარეის ხარისხზე იქონიოს გავლენა. ამასთან, მსგავსი ტიპის ბატარეების შექმნაზე სხვა კომპანიებიც მუშაობენ. მაგალითად, კომპანია Qualcomm ახლო მომავალში ახალი ტიპის ბატარეებს წარმოადგენს, რომლებიც 5-წუთიანი დატენვის შემდეგ, მუშაობას 5 საათის განმავლობაში შეძლებენ. 

ვიდეო

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე