ხუციშვილი ინდოელ ტურისტებზე: თუ არის საჭიროება, შეიძლება მივიღოთ პრევენციული ღონისძიებები

2017-04-03 15:54:07, 2298 ნახვა

საზოგადოება კომენტარი

შინაგან საქმეთა მინისტრის მოადგილე შალვა ხუციშვილმა ინდოელ ტურისტებთან დაკავშირებული ინციდენტი შეაფასა.

როგორც ხუციშვილმა აღნიშნა, უწყების იფნრომაციით, მსგავსი ფაქტები საქართველოში ხშირი არ არის.

ამასთან, მანვე დასძინა, რომ საჭიროების შემთხვევაში, სამინისტრო პრევენციული ზომების მისაღებად მზად არის.

"ბევრი ასეთი ფაქტის შესახებ ჩვენთვის არ არის ცნობილი, ანუ ეს არის ალბათ რამდენიმე ერთეული შემთხვევა და ეს უბრალოდ ყველაზე გახმაურებული, თუმცა ამ კონკრეტულ საკითხზე სანამ გამოძიება არ დასრულდება ვერ გეტყვით ვერაფერს, მაგრამ დამატებით ჩვენ გვექნება კონსულტაციები ეკონომიკის სამინისტროსთან. მოგეხსენებათ, ტურიზმზე პასუხისმგებელია ეკონომიკის სამინისტრო და თუ არის ამის საჭიროება, ჩვენ შეიძლება მივიღოთ პრევენციული ღონისძიებები, თუმცა დღეის მდგომარეობით შემიძლია გითხრათ, რომ ეს ციფრი არის სულ რამდენიმე ერთეული შემთხვევა", - აღნიშნა ხუციშვილმა.

შეგახსენებთ, რომ ინდოელი ტურისტები თბილისის ერთ-ერთი ღამის კლუბის თანამშრომლებს თანხის გამოძალვაში ადანაშაულებენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან