ლონდონში, ვესტმინსტერის ხიდთან ავტომობილი რამდენიმე ქვეითს და სამართალდამცველს გამიზნულად დაეჯახა, - ამის შესახებ Reuters იუწყება.

აღნიშნული მას შემდეგ მოხდა, რაც პოლიციამ პარლამენტის შენობის წინ დანით შეიარაღებულ თავდამსხმელს ცეცხლი გაუხსნა.

მედია საშუალების ინფორმაციით, ლონდონში, მომხდარის შედეგად, 12-მდე ადამიანია დაშავებული.

როგორც BBC წერს, პარლამენტის შენობაში შესასვლელი გადაკეტილია, ხოლო ქვეყნის პრემიერ-მინისტრი ტერეზა მეი შენობიდან უსაფრთხო ადგილას უკვე გადაიყვანეს.

სკოტლანდ იარდის ინფორმაციით, ინციდენტს ტერაქტის კვალიფიკაცია მიენიჭა. ამასთან, ამ დრომდე უცნობია, იყო თუ არა დაგეგმილი მანქანის შეჭრა ტროტუარზე თუ ეს უბრალოდ ავტოსაგზაო შემთხვევაა.

ცნობისთვის, თავდამსხმელი (მამაკაცი, რომელიც დანით იყო შეიარაღებული), ლიკვიდირებულია.

თვითმხილველების თქმით, შეიარაღებულმა მამაკაცმა დანა ჯერ პოლიციელს დაარტყა, შემდეგ კი პარლამენტის შენობისკენ გაიქცა, თუმცა ამ დროს სამართალდამცველებმა მას ცეცხლი გაუხსნეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა

ადვოკატის ცნობით, დააკავეს მოქალაქე, რომელზეც გორში პოლიციელებმა იძალადეს