"სებასტიან კურცი ცოტა ხნის წინ იმყოფებოდა თბილისში და ამგვარი არაფერი უთქვამს. ვფიქრობ, საქართველო მან მხოლოდ მაგალითად მოიყვანა", - ასე გამოეხმაურა ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე ავსტრიის საგარეო მინისტრის სებასტიან კურცის განცხადებას, რომლის თანახმადაც, ევროკავშირის ლტოლვილთა მიღების ცენტრები ისეთ ქვეყნებში შეიძლება გაიხსნას, როგორიცაა საქართველო, ეგვიპტე და დასავლეთ ბალკანეთის ქვეყნები.

დოლიძის ინფორმაციით, ამგვარი რამ განხილვის პროცესში არ არის.

"მე ვფიქრობ, ჩვენმა ელჩმა ავსტრიის რესპუბლიკაში საკმაოდ ამომწურავი ინფორმაცია მოგვაწოდა იმასთან დაკავშირებით, რომ ამგვარი რამე არ ხდება და განხილვის პროცესში არ არის. მართალი გითხრათ, არ მსმენია, რომ რაიმე თუნდაც განხილვის, ან ანალიზის პროცესში იყოს ჩვენი ევროპელი პარტნიორების მხრიდან. ჩვენ ახლახანს ჩამოვედით ბრიუსელიდან და ამგვარი არაფერი გვსმენია. იცით, რომ ავრამოპულოსი სტუმრობდა თბილისს და ამგვარი არაფერი თქმულა. ამიტომ, ალბათ, ავსტრიულ მხარეს უნდა ჰკითხოთ, თუ რა ჰქონდა მას მხედველობაში. მე რამდენადაც გავიგე, ბატონმა კურცმა მხოლოდ  მაგალითად მოიყვანა. კურციც იმყოფებოდა ამის წინებზე საქართველოში და ამგვარი არაფერი უთქვამს", - განაცხადა დოლიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის

უკრაინის საგარეო საქმეთა მინისტრმა ეუთოს საგანგებო შეხვედრაზე საქართველოს მხარდაჭერისთვის მადლობა გადაუხადა.