დეკანოზ გიორგი თევდორაშვილის ინფორმაციით, მამა გიორგი მამალაძე დღეს ჩვენების მიცემას არ აპირებს

2017-03-01 12:59:26, 2477 ნახვა

სამართალი კომენტარი

საპატრიარქოს მსჯავრდებულებთან ურთიერთობის დეპარტამენტის დეკანოზ გიორგი თევდორაშვილის განცხადებით, მამა გიორგი მამალაძე გამოძიებისთვის ჩვენების მიცემას დღეს არ აპირებს.

ამის შესახებ დეკანოზმა ე.წ. მატროსოვის ციხეში, მამა გიორგი მამალაძის მონახულების შემდეგ ჟურნალისტებს განუცხადა.

მისივე თქმით, ბრალდებული თავს უდანაშაულოდ თვლის.

„პირველ რიგში ის ითხოვს წმინდა ზიარების მიღებას, რაც მას აკრძალული აქვს და იმედი მაქვს, რომ მოგვცემენ უფლებას, მამა გიორგის ზიარების. ის თავს თვლის უდანაშაულოდ და ითხოვს ჩვენგან თანადგომას. ჩვენების მიცემას ამ ეტაპზე არ აპირებს. ის ითხოვს მისი ოჯახის უსაფრთხოების დაცვას. მას უნდა ოჯახის უსაფრთხოებაში დარწმუნდეს და შემდგომში ალბათ მისცემს ჩვენებას“, - განაცხადა

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან