თურქეთის პარლამენტმა საკონსტიტუციო ცვლილებები დაამტკიცა, რომლითაც ქვეყანა მართვის საპარლამენტო მოდელიდან საპრეზიდენტოზე გადავიდა და რომლითაც მოქმედ პრეზიდენტ რეჯეფ თაიფ ერდოღანს ხელისუფლების შენარჩუნება 2029 წლამდე შეეძლება.

ცვლილების თანახმად, პრეზიდენტი აღმასრულებელი ხელისუფლების სათავეში პრემიერს ჩაანაცვლებს. პრემიერის თანამდებობა საერთოდ გაუქმდება. პრეზიდენტს მინისტრების დანიშვნის და გადაყენების, პარლამენტის დათხოვნის უფლება მიენიჭება.

პრეზიდენტის ვადების რაოდენობა იგივე რჩება, თუმცა მათი ათვლა 2019 წლიდან დაიწყება, ამრიგად ერდოღანს ახლანდელი საპრეზიდენტო ვადა არ ჩაეთვლება.

ოპოზიცია საკონსტიტუციო ცვლილებებს ეწინააღმდეგება და ამტკიცებს, რომ ახალი კანონმდებლობა ხელისუფლების დანაწილების პრინციპსა და ბალანსს არღვევს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძემ გიორგი კანდელაკის დაჭერა შეუკვეთა

ელენე ხოშტარიას წერილი ციხიდან: ძალიან მნიშვნელოვანი დღე იყო

კობახიძე - არავის აინტერესებს უკრაინისა და უკრაინელი ხალხის ინტერესები

კობახიძე - გვარამიას, ზურაბ ჯაფარიძის, სალომე ზურაბიშვილის და ასეთი ადამიანების დაძახებულზე 5000 კაცი გამოდის, წარმატებაა