დავით ბაქრაძე კვიპროსის წარმომადგენელთა პალატის საგარეო და ევროპულ საქმეთა მუდმივი კომიტეტის თავმჯდომარის მოადგილეს შეხვდა

2015-03-27 19:42:32, 508 ნახვა

პოლიტიკა

ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ კვიპროსის რესპუბლიკაში სამუშაო ვიზიტის ფარგლებში, შეხვედრა გამართა კვიპროსის რესპუბლიკის წარმომადგენელთა პალატის საგარეო და ევროპულ საქმეთა მუდმივი კომიტეტის თავმჯდომარის მოადგილესთან (ასრულებს თავმჯდომარის მოვალეობას) პროდრომოს პროდრომუსთან.
მხარებმა საქართველოს ევროინტეგრაცის პროცესზე ისაუბრეს. კვიპროსის მხარემ დაადასტურა საქართველოს ევროპული მისწრაფებების სრული მხარდაჭერა და გამოითქვა მზაობა ასოცირების შეთანხმების უახლოეს მომავალში რატიფიცირების თაობაზე. შეხვედრაზე ხაზი გაესვა რიგის აღმოსავლეთ პარტნიორობის სამიტის გადაწყვეტილებების მნიშვნელობას აღმოსავლეთ პარტნიორობის მონაწილე ქვეყნებისთვის.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან