საქართველოს ეროვნული ბანკის პრეზიდენტი  გიორგი ქადაგიძე საქართველოს ბიზნეს ასოციაციის წევრი კომპანიების წარმომადგენლებს შეხვდა. როგორც შეხვედრის დასრულების შემდეგ "ლიბერთი ბანკის" გენერალურმა დირექტორმა  გიორგი არველაძემ ჟურნალისტებს განუცხადა, შეხვედრაზე საუბარი შეეხო საქართველოში ეკონომიკის განვითარების ტემპებს, ლარის გაცვლით  კურსს და აღინიშნა, რომ მარტის თვეში მერყეობები მეტ-ნაკლებად დაბალანსებულია.
"შეხვედრა ეროვნული ბანკის პრეზიდენტთან წარიმართა იმ ინფორმაციის შესახებ, თუ როგორ ვითარდება ბოლო რამდენიმე თვის განმავლობაში საქართველოში ეკონომიკა. საუბარი შეეხო ასევე ლარის გაცვლით კურსს.აღინიშნა, რომ მარტში მეტ-ნაკლებად უკვე დაბალინსებული არის ის მერყეობები რაც აქამდე დავინახეთ წინა რამოდენიმე თვის განმავლობაში. თუმცა ეს არ გვაძლევს  იმი თქმის უფლებას, რომ პრობლემა მთლიანად მოგვარებულია. რა თქმა უნდა, ძალიან ბევრი იქნება დამოკიდებული იმაზე, თუ მომავალი 6 თვის განმავლობაში რა გაკეთდება ქვეყანაში, აქ გარკვეულწილად  დადებით ფაქტორს შეასრულებს ტურისტული სეზონი და, რა თქმა უნდა, ყველა ის ქმედება, რაც გაკეთდება  ქვეყანაში ინსვეტიციების მოსაზიდად, რათა დაბალანსდეს უცხოური ვალუტის გადინება და შემოდინება",-განაცხადა გიორგი არველაძემ.
მისივე შეფასებით, ყველაზე რეალისტური ნაბიჯი მთავრობის მხრიდან შექმნილ სიტუაციაში  პრივატიზაცია იქნება, რის შესახებაც ხელისუფლებამ უკვე განაცხადა.
"ალბათ ყველაზე რეალისტური რაც იქნება, პრივატიზაციაა, რის შესახებაც მთავრობამ განაცხადა აქამდე წინა შეხვედრებზე.სხვა კუთხით ალბათ დამატებითი ინვესტიციების მოზიდვა, შეიძლება ეს იყოს დონორები, შეიძლება იყოს უბრალოდ ნებისმიერი სხვა წყარო. კონკრეტულ გეგმაზე ეროვნულ ბანკთან არ გვისაუბრია",-აღნიშნა გიორგი არველაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს