ბიზნეს ასოციაციის პრეზიდენტი გიორგი ჭირაქაძე მიიჩნევს, რომ საქართველოს ეკონომიკაში არსებულ პრობლემებს ხშირად ხელისუფლებას უმიზეზოდ აბრალებენ, რადგან, მისივე თქმით, ბევრ შემთხვევაში პრობლემები არა ხელისუფლების, არამედ საქართველოს ეკონომიკაზე მოქმედი სხვა ფაქტორების ბრალია.

თუმცა, ჭირაქაძე ამავე დროს ფიქრობს, რომ ხელისუფლებისთვის პრობლემების დაბრალება კარგი საქმის გასაკეთებლად, მათ მაქსიმალურად გააქტიურებას ხელს შეუწყობს.

„პრობლემებს, რაც დღეს საქართველოს ეკონომიკაში არის, ჩვენ ხშირად ვაბრალებთ ხელისუფლებას. რასაკვირველია, უნდა დააბრალო კიდეც ხელისუფლებას, იმიტომ, რომ ხელისუფლება მაქსიმალურად იყოს ორიენტირებული, ყველაფერი კარგად გააკეთოს, მაგრამ ბევრი რამე ხელისუფლების ბრალი არ არის. ხშირად ეს იმ ფაქტორების ბრალია, რომელიც ჩვენს ირგვლივ არის და ძალიან მნიშვნელოვანია ხელისუფლებამ, ბიზნესმა, ეკონომიკამ, კიდევ უფრო აქტიურად იმუშაოს იმისათვის, რომ ეკონომიკური ზრდა ქვეყანაში იყოს უკეთესი, ვიდრე ჩვენ გვინდა“, - განაცხადა გიორგი ჭირაქაძემ.

ამასთან, გიორგი ჭირაქაძემ კითხვაზე - „კმაყოფილია თუ არა ბიზნესი მთავრობის ქმედებებით?“ - ასე უპასუხა: „მე არ მინახავს არცერთ ქვეყანაში ადამიანი, რომელიც მთავრობის მუშაობით კმაყოფილია, მაგრამ მე ვხედავ, რომ მთავრობაში დაინტერესებული არიან და მაქსიმალურად ცდილობენ, ყველაფერი გააკეთონ. ეკონომიკის მინისტრმა პრივატიზაციასთან დაკავშირებით რაც თქვა, ძალიან მნიშვნელოვანი და სწორი იყო და იმედი გვაქვს, ეს ყველაფერი გაკეთდება“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს