2016-12-01 18:20:21, 1994 ნახვა

---

პრეზიდენტის ადმინისტრაცია, ეროვნული ბანკი და ბიზნესისა და ტექნოლოგიების უნივერსიტეტი ერთობლივ პროექტს იწყებენ

საქართველოს პრეზიდენტის ადმინისტრაცია, საქართველოს ეროვნული ბანკი და ბიზნესისა და ტექნოლოგიების უნივერსიტეტი ერთობლივ საგანმანათლებლო პროექტს იწყებენ.

პრეზიდენტის ადმინისტრაციის პრესსამსახურის ინფორმაციით, პროექტი თბილისსა და რეგიონებში ფინანსური და სამეწარმეო განათლების გავრცელებას და უფროსკლასელებში ფინანსური განათლების შესახებ ცნობიერების ამაღლებას ისახავს მიზანდ.

თანამშრომლობის შესახებ მემორანდუმს საქართველოს პრეზიდენტის ადმინისტრაციის უფროსი გიორგი აბაშიშვილი, საქართველოს ეროვნული ბანკის პრეზიდენტი კობა გვენეტაძე და ბიზნესისა და ტექნოლოგიების უნივერსიტეტის რექტორი მიხეილ ბატიაშვილი ხვალ მოაწერენ ხელს.

ერთობლივი საგანმანათლებლო პროექტის ,,მიიღე მეტი ცოდნა ფინანსების მართვის შესახებ“ თბილისისა და რეგიონების სკოლების 1000 მოსწავლე ბიზნესისა და ტექნოლოგიების უნივერსიტეტში მოისმენენ ლექციას თემაზე ,,ფული, ფინანსები და მათი გავლენა ეკონომიკაზე’’.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი